മുംബൈ: പ്രധാനമന്ത്രി നരേന്ദ്ര മോദി മുംബൈയില്‍ നടത്തിയ തെരഞ്ഞെടുപ്പ് പ്രചാരണ റാലിയില്‍ റിലയന്‍സ് ഉടമ മുകേഷ് അംബാനിയുടെ മകന്‍ ആനന്ദ് അംബാനിയും. ദിവസങ്ങള്‍ക്ക് മുമ്പ് മുംബൈ സൗത്തില്‍ മത്സരിക്കുന്ന കോണ്‍ഗ്രസ് നേതാവ് മിലിന്ദ് ദ്യോറക്ക് മുകേഷ് അംബാനി പിന്തുണ പ്രഖ്യാപിച്ചിരുന്നു. ഇതിന് പിന്നാലെ മകന്‍ ആനന്ദ് അംബാനി മോദിയുടെ റാലിയില്‍ പങ്കെടുത്തിരിക്കുന്നത് ശ്രദ്ധേയമായിരിക്കുകയാണ്.

രാജ്യത്തെ പിന്തുണക്കാനും നമ്മുടെ പ്രധാനമന്ത്രിയെ കേള്‍ക്കാനുമാണ് താൻ ഇവിടെ എത്തിയതെന്ന് ആനന്ദ് മാധ്യമങ്ങളോട് പറഞ്ഞു. മിലിന്ദ് ദ്യോറക്ക് വീഡിയോ സന്ദേശത്തിലൂടെയാണ് മുകേഷ് അംബാനി പിന്തുണ പ്രഖ്യാപിച്ചിരുന്നത്.