ലഖ്‌നൗ: കോവിഡ് വാക്‌സിന്‍ ആദ്യ ഘട്ടത്തില്‍ ലഭിക്കേണ്ടവരുടെ പട്ടികയില്‍ മരിച്ച നഴ്‌സടക്കം ഇടംപിടിച്ചു. യുപിയിലെ അയോധ്യയിലാണ് മുന്‍നിരക്കാരുടെ പട്ടികയില്‍ ക്രമക്കേട് കണ്ടെത്തിയത്. അയോധ്യയിലെ ഡഫറിന്‍ ആശുപത്രിയിലെ ആരോഗ്യവിഭാഗം നല്‍കിയ ലിസ്റ്റിലാണ് പിഴവുള്ളത്.
ലിസ്റ്റില്‍ മരിച്ചയാളുടെ പേര് കൂടാതെ ജോലി രാജിവച്ച നഴ്‌സിന്റെയും റിട്ടയര്‍ ചെയ്ത നഴ്‌സിന്റെയുമടക്കം പേരുകളുണ്ടെന്ന് കണ്ടെത്തി. ഇതേതുടര്‍ന്ന് യുപി ആരോഗ്യമന്ത്രി ജയ് പ്രതാപ് സിങ് സംഭവത്തില്‍ അന്വേഷണത്തിന് ഉത്തരവിട്ടു.
ലിസ്റ്റ് തയ്യാറാക്കിയിട്ട് മാസങ്ങള്‍ പിന്നിട്ടതിനാലാണ് പിഴവ് സംഭവിച്ചതെന്നാണ് അധികൃതരില്‍ ചിലര്‍ പ്രതികരിച്ചത്. ലിസ്റ്റ് മൂന്ന് മാസം മുന്‍പ് തയ്യാറാക്കിയതാണെന്നും ഇത് അപ്‌ഡേറ്റ് ചെയ്യാനുണ്ടെന്നുമാണ് ഇവര്‍ പറയുന്നത്.
യുപിയില്‍ 852 സെന്ററുകളാണ് മുന്‍നിര പോരാളികള്‍ക്ക് വാക്‌സിന്‍ നല്‍കാനായി സജ്ജീകരിച്ചിരിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates