ലക്നൗ: റോഡ് ഷോയോടെ ഉത്തര്പ്രദേശില് തിരഞ്ഞെടുപ്പ് പ്രചാരണത്തിന് തുടക്കം കുറിച്ച പ്രിയങ്ക ഗാന്ധി ലക്നൗവില് ക്യാംപ് ചെയ്ത് പ്രവര്ത്തനം തുടരുന്നു. പടിഞ്ഞാറന് യുപിയുടെ ചുമതലയയുള്ള ജനറല് സെക്രട്ടറി ജ്യോതിരാദിത്യ സിന്ധ്യയും അവര്ക്കൊപ്പമുണ്ട്. പ്രിയങ്കയ്ക്ക് 41 ലോക്സഭാ മണ്ഡലങ്ങളുടെ ചുമതല നല്കിയപ്പോള് ജ്യോതിരാദിത്യ സിന്ധ്യയ്ക്ക് 39 മണ്ഡലങ്ങളുടെ ചുമതലയാണ് നല്കിയിട്ടുള്ളത്.
കോണ്ഗ്രസിന്റെ സിറ്റിംഗ് സീറ്റായ അമേഠി, റായ് ബറേലി മണ്ഡലങ്ങളുടെ ചുമതല പ്രിയങ്ക ഗാന്ധിക്കാണ്. ഒപ്പം മോദിയുടെ മണ്ഡലമായ വാരാണസിയുടെ ചുമതലയും പ്രിയങ്കയ്ക്കാണ്. ലഖ്നൗ, സുല്ത്താന്പൂര്, ഗൊരഖ്പൂര്, ഫുല്പൂര്, അലഹബാദ്, ബരബാങ്കി, കുശിനഗര് തുടങ്ങിയ പ്രധാനമണ്ഡലങ്ങളുടെ ചുമതലയും പ്രിയങ്ക ഗാന്ധിക്കാണ്.
സഹരണ്പൂര്, കൈരാന, മുസാഫര് നഗര്, മോറദാബാദ്, ഗാസിയാബാദ്, മധുര, കാന്പൂര് തുടങ്ങിയവയാണ് ജ്യോതിരാദിത്യസിന്ധ്യയ്ക്ക് ചുമതലയുള്ള പ്രധാനമണ്ഡലങ്ങള്. പ്രിയങ്കയുടെ വരവിലൂടെ ദുര്ബലമായിപ്പോയ ഉത്തര്പ്രദേശ് കോണ്ഗ്രസിന് വീണ്ടെടുപ്പിന്റെ പുതുചരിത്രം സൃഷ്ടിക്കാനാവുമെന്നാണ് കോണ്ഗ്രസിന്റെ കണക്ക്കൂട്ടല്. പ്രിയങ്കയുടെ ആദ്യറാലിക്കായി എത്തിയ പതിനായിരങ്ങള് അതിന്റെ സാക്ഷ്യമാണെന്നാണ് കോണ്ഗ്രസ് നേതാക്കള് പറയുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates