ഹാവേരി: എച്ച്‌ഐവി പോസിറ്റാവയതിനെ തുടര്‍ന്ന് യുവതിയെ ഭര്‍ത്താവ് കൊലപ്പെടുത്തി. കൊലയ്ക്ക് ശേഷം ഭര്‍ത്താവ് പൊലീസില്‍ കീഴടങ്ങി. ബംഗളൂരുവിന് 300 കിലോമീറ്റര്‍ അകലെ റാണബെന്നൂരിലാണ് സംഭവം.

40കാരനായ നവീനാണ് ഭാര്യയെ കൊലപ്പെടുത്തിയത്. മഴു ഉപയോഗിച്ച് കഴുത്തില്‍വെട്ടിക്കൊലപ്പെടുത്തുകയായിരുന്നു. യുവതി സംഭവസ്ഥലത്തുവച്ചുതന്നെ മരിച്ചു.

നവീന്‍ പറയുന്നത് താന്‍ യുവതിയുടെ രണ്ടാമത്തെ ഭര്‍ത്താവാണെന്നാണ്. എന്നാല്‍ തന്റെ ആദ്യഭര്‍ത്താവാണ് നവീന്‍ എന്നാണ് യുവതിയുടെ വാദം. ഒന്‍പതുവര്‍ഷം മുന്‍പാണ് ഇരുവരും വിവാഹിതരായത് ഇവര്‍ക്ക് ഏഴും ആറും വയസ്സുള്ള രണ്ട് പെണ്‍മക്കളുണ്ട്. നാലുവര്‍ഷം മുന്‍പാണ് യുവതിക്ക് എച്ച്‌ഐവി പോസിറ്റിവായത്. ഇതിന് പിന്നാലെ ഇരുവരും വിഷാദാവസ്ഥയിലുമായിരുന്നു.

ഭാര്യയെ കൊലപ്പെടുത്തിയ ശേഷം ഇയാള്‍ പൊലീസ് സ്റ്റേഷനില്‍ കീഴടങ്ങുകയായിരുന്നു. വിഷാദാവസ്ഥയില്‍ എച്ചഐവി രോഗിയായ ഭാര്യയെ കൊലപ്പെടുത്തുകയായിരുന്നെന്നും ഇയാള്‍ പൊലീസിനോട് പറഞ്ഞു. കൊലപാതകത്തില്‍ വിശദമായ അന്വേഷണം നടത്തുമെന്ന് പൊലീസ് ഓഫിസര്‍ പറഞ്ഞു. റിമാന്റ് ചെയ്ത പ്രതിയെ ആറ് ദിവസത്തെ പൊലീസ് കസ്റ്റഡിയില്‍ വിട്ടു.