ഗൊരഖ്പുര്‍: ബഗുസരായയില്‍ മത്സരിച്ച് പരാജയപ്പെട്ട സിപിഐ നേതാവും മുന്‍ ജെഎന്‍യു വിദ്യാര്‍ഥി യൂണിയന്‍ പ്രസിഡന്റുമായ കനയ്യ കുമാറിനെ രൂക്ഷമായി വിമര്‍ശിച്ച് മുന്‍ നടനും ബിജെപി എംപിയുമായ രവി കിഷന്‍. രാജ്യത്തെ തുണ്ടം തുണ്ടമാക്കി വിഭജിക്കാന്‍ പറയുന്നവര്‍ക്ക് ജനങ്ങളുടെ വിശ്വാസം നേടിയെടുക്കാന്‍ സാധിക്കില്ലെന്ന് രവി കിഷന്‍ വിമര്‍ശിച്ചു.
ദേശ വിരുദ്ധ ചിന്തകള്‍ പ്രചരിപ്പിക്കുകയും രാജ്യത്തിനെതിരെ സംസാരിക്കുകയും തെരഞ്ഞെടുക്കപ്പെടുന്ന ഒരു സര്‍ക്കാരിനെ അവഹേളിക്കുകയും ചെയ്താല്‍ ഒരിക്കലും വിജയിക്കാന്‍ സാധിക്കില്ല. രാജ്യത്തെ തുണ്ടം തുണ്ടമാക്കി വിഭജിക്കാന്‍ പറയുകയാണെങ്കില്‍ ജനങ്ങളുടെ വിശ്വാസം നേടിയെടുക്കാന്‍ സാധിക്കില്ലെന്നും രവി കിഷന്‍ കനയ്യ കുമാറിനെതിരെ വിമര്‍ശിച്ചു.
ബഗുസരായയില്‍ സിപിഐ സ്ഥാനാര്‍ഥിയായി മത്സരിച്ച കനയ്യ കുമാര്‍ ബിജെപി നേതാവ് ഗിരിരാജ് സിങിനോടാണ് പരാജയപ്പെട്ടത്. യുപിയിലെ ഗൊരഖ്പൂരില്‍ നിന്നാണ് രവി കിഷന്‍ വിജയിച്ചത്.
നേരത്തെ 2014ല്‍ കോണ്‍ഗ്രസ് സ്ഥാനാര്‍ഥിയായി ജ്വാന്‍പുരില്‍ മത്സരിക്കാനിറങ്ങിയ രവി കിഷന്‍ പരാജയപ്പെട്ടിരുന്നു. പിന്നീട് 2016ലാണ് രവി കിഷന്‍ ബിജെപിയില്‍ ചേര്‍ന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates