ന്യൂഡല്‍ഹി: ജാമിയ മിലിയയില്‍ പൗരത്വനിയമഭേദഗതിയെ അനുകൂലിച്ച് റാലി. നിയമത്തിനെതിരെ പ്രതിഷേധിക്കുന്നവരെ വെല്ലുവിളിച്ച് മുദ്രാവാക്യം വിളിച്ചാണ് പൗരത്വനിയമത്തെ അനുകൂലിക്കുന്നവരുടെ റാലി. റാലിയില്‍ നൂറ് കണക്കിനാളുകളാണ് പങ്കെടുത്തത്.

ഈ രാജ്യദ്രോഹികളെ വെടിവച്ചുകൊല്ലണമെന്ന മുദ്രാവാക്യം വിളികളുമായായിരുന്നു റാലി. യൂണിവേഴ്‌സിറ്റിക്ക് സമീപത്തുവെച്ച് റാലി പൊലീസ് തടഞ്ഞു. ഇവരെ പൊലീസ് അറസ്്റ്റുചെയ്തു.

പൗരത്വനിയമത്തിനെതിരെ ശക്തമായ സമരം നടക്കുന്ന വേദികളിലൊന്നാണ് ഡല്‍ഹിയിലെ ജാമിയ മിലിയ. രണ്ടുതവണ ജാമിയ മിലിയയിലെ സമരക്കാര്‍ക്ക് നേരെ വെടിവയ്പ് നടന്നിരുന്നു. ആര്‍ക്കും പരിക്കേറ്റിരുന്നില്ല.