ഭുവനേശ്വര്‍: ഒഡീഷയിലെ രാജ്യസഭാ ഉപതെരഞ്ഞടുപ്പില്‍ ബിജെപി സ്ഥാനാര്‍ത്ഥി അശ്വനി വൈഷ്ണവിനെ പിന്തുണയ്ക്കുമെന്ന് ബിജെഡി.  മൂന്ന് സീറ്റുകളിലേക്കാണ് ഉപതെരഞ്ഞടുപ്പ്. ഇതില്‍ രണ്ട് സ്ഥാനാര്‍ത്ഥികളെയും ബിജെഡി പ്രഖ്യാപിച്ചു.

മൂന്നാമത്തെ സീറ്റില്‍ മുന്‍ പ്രധാനമന്ത്രി എബി വാജ്‌പേയിയുടെ പ്രൈവറ്റ് സെക്രട്ടറിയായിരുന്ന വൈഷ്ണവിനെ പിന്തുണയ്ക്കണമെന്ന് പ്രധാനമന്ത്രി നരേന്ദ്രമോദിയും ആഭ്യന്തരമന്ത്രി അമിത് ഷായും അഭ്യര്‍ത്ഥിച്ചിരുന്നതായി ബിജെഡി പ്രസിഡന്റ് നവീന്‍ പട്‌നായിക് പറഞ്ഞു. 

ജൂലായ് അഞ്ചിനാണ് തെരഞ്ഞെടുപ്പ്. അച്യുത സാമന്ത, പ്രതാപ് കേസരി, സൗമ്യ രജ്ഞന്‍ പട്‌നായിക് എന്നിവര്‍ ലോക്‌സഭയിലേക്ക് മത്സരിച്ച് വിജയിച്ചിരുന്നു