വാരണാസി: ബലാത്സംഗക്കേസില്‍ സിബിഐ പ്രത്യക കോടതി ശിക്ഷിച്ച ദേരാ സച്ച സൗദ തലവന്‍ ഗുര്‍മിത് റാം റഹീം സിങ്ങിന് വധശിക്ഷ നല്‍കണം എന്നാവശ്യപ്പെട്ട് വാരണാസിയില്‍ സന്യാസിമാരുടെ സമരം. 

ഗുര്‍മിതിന് വധശിക്ഷ വിധിക്കണം എന്ന പ്ലക്കാര്‍ഡുകള്‍ ഉയര്‍ത്തിപ്പിടിച്ച് മുദ്രാവാക്യം വിളിച്ചായിരുന്നു സന്യാസിമാരുടെ പ്രതിഷേധം. 
യഥാര്‍ഥ സന്ന്യാസി ആഢംബരം വെടിഞ്ഞ് ലളിത ജീവിതം നയിക്കാനാണ് ശീലിക്കേണ്ടത്, പണവും അധികാരവുമുള്‍പ്പെടെയുള്ള ആഢംബര ജീവിതമായിരുന്നു റാം റഹീമിന്റെ ലക്ഷ്യം,സന്ന്യാസിയായ ദുനി ബാബ പറഞ്ഞു.

തിങ്കഴാഴ്ചയാണ് ബലാത്സംഗക്കേസില്‍ കുറ്റക്കാരനാണ് എന്ന് കണ്ടെത്തിയ റാം റഹീമിനെ 20 വര്‍ഷം തടവിന് ശിക്ഷിച്ചത്. കുറ്റക്കാരാനാണെന്ന് കോടതി വിധി വന്ന വെള്ളിയാഴ്ച ഗുര്‍മിതിന്റെ അനുയായികള്‍ അഴിച്ചുവിട്ട അക്രമത്തില്‍ 38പേര്‍ മരിച്ചിരുന്നു.