നോയിഡ: ടിവി റിമോട്ടിനു വേണ്ടി സഹോദരിയുമായി വഴക്കുണ്ടാക്കിയ പത്ത് വയസുകാരി തൂങ്ങിമരിച്ചു. ഇന്ഡോറിലെ സ്വകാര്യ സ്കൂളിലെ അഞ്ചാം ക്ലാസ് വിദ്യാര്ത്ഥിയായ മാനുഷി രാവത്താണ് മൂത്ത സഹോദരിയുമായുണ്ടായ വഴക്കിനെതുടര്ന്ന് തൂങ്ങിമരിച്ചത്. ഉത്തര്പ്രദേശിലെ നോയിഡയ്ക്ക് സമീപം സെക്ടര് 12ല് ചൊവ്വാഴ്ച രാവിലെയായിരുന്നു സംഭവം.
അവധി ദിവസമായതിനാല് വീട്ടിലിരുന്നു ടിവി കാണുകയായിരുന്നു രണ്ട് പേരും. പെട്ടെന്നാണ് ടിവി റിമോട്ടിനെ ചൊല്ലി വഴക്കുണ്ടായത്. തുടര്ന്ന് മൂത്ത സഹോദരി റിമോട്ട് നല്കാത്തതില് പിണങ്ങി മുറിയിലേക്ക് പോയ മാനുഷി ഷാളില് തൂങ്ങിമരിക്കുകയായിരുന്നു. സംഭവം നടക്കുന്ന സമയത്ത് മാതാപിതാക്കള് വീട്ടിലുണ്ടായിരുന്നില്ല.
മുകള് നിലയിലുണ്ടായിരുന്ന മുത്തശി മാനുഷിയെ കാണാതെ താഴേ ഇറങ്ങിവന്നപ്പോഴാണ് ജനാലയുടെ കമ്പിയില് തൂങ്ങിമരിച്ച നിലയില് കണ്ടെത്തിയത്. ഇവര് ബഹളം വച്ചതിനെ തുടര്ന്ന് അയല്വാസികളെത്തി പെണ്കുട്ടിയെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates