ന്യൂഡല്ഹി: ആംബുലന്സ് അടക്കമുള്ള അടിയന്തര വാഹനങ്ങള്ക്ക് സൈഡ് നല്കിയില്ലെങ്കില് പതിനായിരം രൂപ പിഴ ചുമത്തുന്നതടക്കം റോഡുകളിലെ നിയമലംഘനത്തിന് കര്ശനനടപടികള് നിര്ദ്ദേശിക്കുന്ന മോട്ടോര് വാഹന നിയമ ഭേദഗതി ലോക്സഭ പാസാക്കി.
പിഴശിക്ഷയില് പത്തിരട്ടിയോളം വര്ധനയാണ് ബില്ലില് നിര്ദേശിക്കുന്നത്. ബില്ലിലെ വ്യവസ്ഥകള് സര്ക്കാര് പൊതുഗതാഗത സംവിധാനത്തെ തകര്ക്കുമെന്ന് പ്രതിപക്ഷം വിമര്ശിച്ചു. പുതിയ സാങ്കേതിക വിദ്യകള്ക്കനുസരിച്ചാണ് ബില്ലിന്റെ രൂപകല്പ്പനയെന്ന് കേന്ദ്ര ഗതാഗതമന്ത്രി നിതിന് ഗഡ്കരി പറഞ്ഞു. എന്കെ പ്രേമചന്ദ്രന് അവതരിപ്പിച്ച 17 ഭേദഗതികള് വോട്ടിനിട്ട് തള്ളി. ഇനി രാജ്യസഭ കൂടി അംഗീകരിച്ചാല് ബില് പാസാകും.
പ്രധാന നിര്ദ്ദേശങ്ങള്: ഹെല്മറ്റ്, സീറ്റ് ബെല്റ്റ് ധരിക്കാതെ വാഹനം ഓടിച്ചാല് 1000 രൂപ പിഴ (നിലവില് 100) മദ്യപിച്ച് വാഹനമോടിച്ചാല് 10,000 രൂപ (നിലവില് 2000 രൂപ) അമിത വേഗത്തില് വാഹനം ഓടിച്ചാല് 5000 രൂപ (നിലവില് 500) ആംബുലന്സ്, ഫയര്എന്ജിന്, പൊലീസ് കണ്ട്രോള് റൂം വാഹനങ്ങള്ക്ക് യാത്രാ തടസമുണ്ടാക്കിയാല് 10,000 രൂപ പിഴ, ലൈസന്സ് ഇല്ലാതെ വാഹനം ഓടിച്ചാല് 5000 രൂപ, വാഹനം ഓടിച്ച് മൊബൈല് ഫോണ് ഉപയോഗം, അശ്രദ്ധമായ ഡ്രൈവിംഗ് പിഴ 5000 രൂപ, അമിതഭാരം കയറ്റിയാല് 20,000 രൂപ, കുട്ടികള് വാഹനം ഓടിച്ചാല് രക്ഷിതാവിന് 25,000 രൂപ പിഴയും മൂന്ന് വര്ഷം തടവും ലൈസന്സ് റദ്ദാക്കലും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates