കൊല്‍ക്കത്ത: ലോക്കല്‍ ട്രെയിന്‍ സര്‍വീസും മെട്രോയും പുനരാരംഭിക്കാന്‍ അഭ്യര്‍ഥിച്ച് ബംഗാള്‍ സര്‍ക്കാര്‍ റെയില്‍വേ മന്ത്രാലയത്തിനു കത്തയച്ചു. സാമൂഹ്യ അകലം പാലിച്ചുകൊണ്ട് സര്‍വീസുകള്‍ പുനരാരംഭിക്കാനാവുമെന്ന് ആഭ്യന്തര സെക്രട്ടറി അലാപന്‍ ബന്ദോബാധ്യായ അയച്ച കത്തില്‍ പറയുന്നു.
മെട്രോ, ലോക്കല്‍ ട്രെയിന്‍ സര്‍വീസുകള്‍ പുനരാരംഭിക്കണമെന്നാണ് സംസ്ഥാന സര്‍ക്കാരിന്റെ അഭിപ്രായമെന്ന് കത്തില്‍ വ്യക്തമാക്കിയിട്ടുണ്ട്. ട്രെയിന്‍, മെട്രോ സര്‍വീസുകള്‍ തുടങ്ങുന്നതില്‍ സംസ്ഥാനത്തിന് എതിര്‍പ്പില്ലെന്ന് ഇന്നലെ മുഖ്യമന്ത്രി മമത ബാനര്‍ജി പറഞ്ഞിരുന്നു.
കോവിഡ് വ്യാപനത്തെത്തുടര്‍ന്ന് കൊല്‍ക്കത്തയിലേക്കു നിര്‍ത്തിവച്ചിരുന്ന വിമാന സര്‍വീസുകള്‍ സെപ്റ്റംബര്‍ ഒന്നു മുതല്‍ പുനരാരംഭിക്കും. ആറു നഗരങ്ങളില്‍നിന്ന് കൊല്‍ക്കത്തിലേക്കുള്ള സര്‍വീസുകളാണ് നിര്‍ത്തിവച്ചിരുന്നത്.
കേന്ദ്ര സര്‍ക്കാര്‍ നാളെയോ മറ്റന്നാളോ ആയി പ്രഖ്യാപിക്കുന്ന അണ്‍ലോക്ക് നാലാംഘട്ടത്തിന്റെ ഭാഗമായി മെട്രോ സര്‍വീസുകള്‍ പുനരാരംഭിക്കുമെന്ന് റിപ്പോര്‍ട്ടുകളുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates