നാഗ്പൂര്‍: ലിവിങ് ടുഗതറിലെ പങ്കാളിക്ക് മറ്റ് ബന്ധങ്ങളുണ്ടെന്ന സംശയത്തിന്റെ പേരില്‍ മുപ്പതുകാരിയുടെ മേല്‍ തിളച്ചവെള്ളം ഒഴിച്ച് അന്‍പതുകാരന്‍. മഹാരാഷ്ട്രയിലെ നാഗ്പൂരാണ് സംഭവം. 

ഒരു നിര്‍മാണ കമ്പനിയിലെ തൊഴിലാളികളാണ് സൂരജ് പ്രഭുദയാലും, നരസിങ്പൂര്‍ സ്വദേശിയായ യുവതിയും. മഹാരാഷ്ട്രയിലെ മങ്കപൂരില്‍ കമ്പനി നിര്‍മാണം ആരംഭിച്ചതിന് ശേഷം ഇരുവരും ഒരുമിച്ചാണ് കഴിഞ്ഞിരുന്നത്. 

എന്നാല്‍ യുവതിക്ക് മറ്റ് ബന്ധങ്ങളുണ്ടെന്ന സംശയം സൂരജ് പ്രഭുദയാലിന് ബലപ്പെട്ടു. കഴിഞ്ഞ വ്യാഴാഴ്ച ഇരുവരും തമ്മില്‍ വാക്കേറ്റമുണ്ടാവുകയും, വാക്കേറ്റത്തിന് പിന്നാലെ തെളച്ച വെള്ളം ഇയാള്‍ യുവതിയുടെ ശരീരത്തില്‍ ഒഴിക്കുകയും ചെയ്തു. പൊലീസ് കേസെടുത്ത് അന്വേഷണം ആരംഭിച്ചെങ്കിലും ഒളിവില്‍ പോയ സൂരജ് പ്രഭുദയാലിനെ കണ്ടെത്താനായില്ല.ആശുപത്രിയില്‍ ചികിത്സയില്‍ കഴിയുന്ന യുവതിയുടെ ആരോഗ്യ നില തൃപ്തികരമാണ്.