ന്യൂഡൽഹി: രാജ്യത്തെ വിമാനത്താവളങ്ങൾക്കും വിമാന സർവീസുകൾക്കും സുരക്ഷ വർധിപ്പിക്കാൻ നിർദേശം. രഹസ്യാന്വേഷണ വിഭാഗത്തിൽ നിന്ന് ലഭിച്ച നിർദേശത്തെ തുടർന്ന് ബ്യൂറോ ഓഫ് സിവിൽ ഏവിയേഷൻ സെക്യൂരിറ്റി(ബിസിഎഎസ്) ആണ് നിർദേശം നൽകിയത്. പുൽവാമ ഭീകരാക്രമണത്തിന്റെ പശ്ചാത്തലത്തിലാണ് കനത്ത ജാഗ്രതാ നിർദേശം.

യാത്രക്കാരുടെയും ജീവനക്കാരുടെയും കർശന പരിശോധന, വാഹന പരിശോധന, സന്ദർശകരുടെ നിയന്ത്രണം തുടങ്ങി 20 അധിക സുരക്ഷാ നടപടികൾ കൈകൊള്ളാനാണ് ബിസിഎഎസ് നിർദേശിച്ചിരിക്കുന്നത്.  വ്യോമയാന പരിശീലനസ്ഥാപനങ്ങൾ, ഹെലിപ്പാഡുകൾ, എയർ സ്ട്രിപ്പുകൾ എന്നിവയ്ക്കും മുന്നറിയിപ്പ് നൽകിയിട്ടുണ്ട്.