ഹൈദരബാദ്:  വീട്ടുടമ ലൈംഗികമായി പീഡിപ്പിച്ചതിന് പിന്നാലെ ഇരുപതുകാരി ആത്മഹത്യ ചെയ്തു. തെലങ്കാനയിലെ രംഗറെഡ്ഢി ജില്ലയിലാണ് സംഭവം. യുവതിയെ പീഡിപ്പിച്ച സംഭവത്തില്‍ പൊലീസ് വീട്ടുടമയ്‌ക്കെതിരെ കേസെടുത്തു. 

ഇരുപതുകാരിയുടെ സഹോദരിയെയും ഇയാള്‍ ലൈംഗികമായി ഉപദ്രവിച്ചിരുന്നതായാണ് റിപ്പോര്‍ട്ടുകള്‍. വീട്ടുജോലിക്കിടെയാണ് ഇയാള്‍ യുവതിയെ ലൈംഗികമായി ഉപദ്രവിച്ചത്. ഇതിന് പിന്നാലെ യുവതി ആത്മഹത്യ ചെയ്യുകയായിരുന്നു. 

വീട്ടുടമയുടെ ലൈംഗിക പീഡനത്തിന് പിന്നാലെയാണ് യുവതി ആത്മഹത്യ ചെയ്തതെന്ന് ജില്ലാ കമ്മീഷണര്‍ എന്‍ പ്രകാശ് റെഡ്ഢി പറഞ്ഞു. നിര്‍ഭയ നിയമപ്രകാരം ഇയാള്‍ക്കെതിരെ കേസെടുത്തതായും യുവതിയുടെ സഹോദരിയെയും ഇയാള്‍ ഉപദ്രവിച്ചതായും പൊലീസ് പറയുന്നു.