ന്യൂഡല്ഹി: കര്ണാടക തെരഞ്ഞടുപ്പില് ബിജെപി വലിയ ഒറ്റകക്ഷിയായെങ്കിലും കേവലഭൂരിപക്ഷം ലഭിക്കാത്ത സാഹചര്യത്തില് സര്ക്കാര് രൂപികരിക്കാന് തിരക്കിട്ട നീക്കങ്ങളുമായി ബിജെപി. കര്ണാടകയില് സ്വീകരിക്കേണ്ട നിലപാടുകള് ചര്ച്ചചെയ്യുന്നതിനായി ബിജെപി പാര്ലമെന്ററി പാര്ട്ടി യോഗം ഡല്ഹിയില് തുടങ്ങി.അതേസമയം കര്ണാടകയിലെ ബിജെപി എംഎല്എമാരുടെ യോഗം നാളെ 10.30ന് ചേരും
അമിത് ഷാ, സുഷമാ സ്വരാജ് തുടങ്ങി മുതിര്ന്ന നേതാക്കളെല്ലാം യോഗത്തില് പങ്കെടുക്കുന്നുണ്ട്. നേരത്തെ 3 മണിക്ക് ദേശീയ അധ്യക്ഷന് അമിത് ഷാ വാര്ത്താ സമ്മേളനം വിളിച്ചിരുന്നെങ്കിലും അത് റദ്ദാക്കിയിരുന്നു. കര്ണാടകയില് സ്വീകരിക്കേണ്ട കാര്യത്തില് തീരുമാനമാകാത്ത സാഹചര്യത്തിലാണ് വാര്ത്താ സമ്മേളനം മാറ്റിവെച്ചത്.
കര്ണാടകയില് ബിജെപിക്ക് വലിയ വിജയം നല്കിയ വോട്ടര്മാര്ക്ക് പ്രധാനമന്ത്രി നന്ദി അറിയിച്ചിരുന്നു. ബിജെപി സര്ക്കാരിന്റെ വികസനനയങ്ങള്ക്ക് ജനങ്ങള് നല്കിയ വിജയമാണ് കര്ണാടകയിലുണ്ടായതെന്നും മോദി ട്വിറ്ററില് കുറിച്ചിരുന്നു. കോണ്ഗ്രസിലെയും ജെഡിഎസിലെയും അസംതൃപ്തരായ ഒരു കൂട്ടം എംഎല്എമാര് ബിജെപി നേതൃത്വവുമായി ചര്ച്ച നടത്തിയതായും റിപ്പോര്ട്ടുകള് പുറത്തുവരുന്നുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates