ന്യൂഡല്ഹി : കോവിഡ് വ്യാപനത്തെത്തുടര്ന്ന് മാറ്റിവെച്ച സിബിഎസ്ഇ പരീക്ഷകള് ജൂലൈ മാസത്തില് നടക്കും. സിബിഎസ്ഇ വിദ്യാര്ത്ഥികളുടെ മാറ്റിവെച്ച ശേഷിക്കുന്ന പരീക്ഷകള് ജൂലൈ ഒന്നു മുതല് 15 വരെ നടക്കും. 10, 12 ക്ലാസ്സുകളിലെ ശേഷിക്കുന്ന പരീക്ഷകളുടെ തീയതിയാണ് പ്രഖ്യാപിച്ചത്.
12-ാം ക്ലാസ്സുകാരുടെ അവശേഷിക്കുന്ന പരീക്ഷകള് ജൂലെ ഒന്നു മുതല് 15 വരെ നടത്താന് നിശ്ചയിച്ചതായി കേന്ദ്ര മാനവവിഭവവകുപ്പ് മന്ത്രി രമേഷ് പൊഖ്റിയാല് നിഷാങ്ക് അറിയിച്ചു. 29 പേപ്പറുകളിലെ പരീക്ഷയാണ് ഇനി നടക്കാനുള്ളത്.
12-ാം ക്ലാസ്സുകാരുടെ 12 പരീക്ഷകള് രാജ്യവ്യാപകമായി നടത്തുന്നതാണ്. അതേസമയം പത്താംക്ലാസ്സുകാരുടെ ആറു പരീക്ഷകള് ഡല്ഹി, വടക്കു കിഴക്കന് മേഖല എന്നിവിടങ്ങളിലെ വിദ്യാര്ത്ഥികള്ക്കു വേണ്ടിയാണ്.
12-ാം ക്ലാസ് വിദ്യാര്ത്ഥികള് ബിസിനസ് സ്റ്റഡീസ്, ജ്യോഗ്രഫി, ഹിന്ദി, ഹിന്ദി ( ഇലക്ടീവ്) ഹോം സയന്സ്, സോഷ്യോളജി, കംപ്യൂട്ടര് സയന്സ് (ഓള്ഡ്) കംപ്യൂട്ടര് സയന്സ് ( ന്യൂ), ഇന്ഫര്മേഷന് പ്രാക്ടീസ് ( ഓള്ഡ്), ഇന്ഫര്മേഷന് പ്രാക്ടീസ് ( ന്യൂ), ഇന്ഫര്മേഷന് ടെക്നോളജി, ബയോടെക്നോളജി എന്നീ വിഷയങ്ങളിലാണ് പരീക്ഷ നടക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates