ബാംഗളൂര്‍; മാണ്ഡ്യയില്‍ സ്വതന്ത്ര സ്ഥാനാര്‍ത്ഥിയായി മത്സരിക്കുന്ന സുമലതയ്ക്ക് പിന്തുണ പ്രഖ്യാപിച്ച് ബിജെപി. സുമലതയുടെ പ്രധാന എതിരാളികളായ കോണ്‍ഗ്രസിന് ബിജെപി നീക്കം തിരിച്ചടിയാവും. ഭര്‍ത്താവ് അംബരീഷിന്റെ മരണത്തിന് പിന്നാലെ അദ്ദേഹത്തിന്റെ മണ്ഡലത്തിന് അവകാശവാദം ഉന്നയിച്ച് സുമലത രംഗത്തെത്തിയിരുന്നു. എന്നാല്‍ അത് അംഗീകരിക്കാന്‍ കോണ്‍ഗ്രസ് തയാറാവാതെ ഇരുന്നതോടെയാണ് സ്വതന്ത്ര സ്ഥാനാര്‍ത്ഥിയായി സുമലത മത്സര രംഗത്തേക്ക് ഇറങ്ങിയത്. 

കന്നഡ സിനിമ താരവും എച്ച. ഡി കുമാരസ്വാമിയുടെ മകനുമായി നിഖില്‍ ഗൗഡയാണ് സുമലതയുടെ എതിരാളി. സുമലതയെ പിന്തുണയ്ക്കുന്നതിന്റെ ഭാഗമായി മാണ്ഡ്യയില്‍ ബിജെപി സ്ഥാനാര്‍ത്ഥികളെ നിര്‍ത്തിയിട്ടില്ല. സുമലത വിജയിപ്പിച്ച് കോണ്‍ഗ്രസ്- ജെഡിഎസ് സഖ്യത്തിന് തിരിച്ചടി നല്‍കുന്നതിനായാണ് ബിജെപി പിന്തുണ പ്രഖ്യാപിച്ചത്. ബിജെപിയിലേക്കില്ലെന്ന് സമലത വ്യക്തമാക്കിയിട്ടുണ്ടെങ്കിലും പിന്തുണ സ്വീകരിക്കും. കൂടാതെ കന്നഡ സിനിമ മേഖലയിലെ പ്രമുഖ താരങ്ങളും സമുലതയ്ക്ക് പിന്തുണ പ്രഖ്യാപിച്ചിട്ടുണ്ട്. യഷ്, ദര്‍ശന്‍ എന്നിവരാണ് ഇപ്പോള്‍ പിന്തുണ പ്രഖ്യാപിച്ചിരിക്കുന്നത്.