മൈസൂരു: പൈനാപ്പിളില്‍ വച്ച സ്‌ഫോടകവസ്തു കടിച്ച് ആന ചരിഞ്ഞതിന് സമാനമായ സംഭവം കര്‍ണാടകയില്‍.  മൈസൂരുവില്‍ സ്‌ഫോടകവസ്തു കടിച്ച പശു ദാരുണമായി ചത്തു. വായ് തകര്‍ന്നതാണ് കാരണം.

എച്ചഡി കോട്ടേ താലൂക്കില്‍ ബെട്ടഡബീഡു ഗ്രാമത്തില്‍ ഇന്നലെയാണ് സംഭവം. ആറു വയസുളള പശുവാണ് ദാരുണമായി ചത്തത്.  സ്‌ഫോടകവസ്തു കടിച്ച പശുവിന് ഗുരുതരമായി പരിക്കേല്‍ക്കുകയായിരുന്നു. കാട്ടുപന്നിയെ കൊല്ലാന്‍ വച്ച സ്‌ഫോടകവസ്തുവാണ് പശു കടിച്ചത്.

പുല്ലു തിന്നുന്നതിനിടെ അബദ്ധവശാല്‍ കാട്ടുപന്നിയെ കൊല്ലാന്‍ ഭക്ഷ്യവസ്തുവിന്റെ ഇടയില്‍ വച്ചിരുന്ന സ്‌ഫോകവസ്തുവില്‍ പശു കടിക്കുകയായിരുന്നുവെന്ന് നാട്ടുകാര്‍ പറയുന്നു. വായ് തകര്‍ന്നാണ് പശു ചത്തത്.