ന്യൂഡൽഹി: തിരുവനന്തപുരം സ്വർണക്കടത്ത് കേസിൽ യുഎഇ കോൺസുലേറ്റിലെ അറ്റാഷെയുടെ മൊഴിയെടുക്കാൻ ഇന്ത്യ അനുമതി തേടി. ഇക്കാര്യം വ്യക്തമാക്കി ഇന്ത്യ യുഎഇ എംബസിക്ക് കത്തയച്ചു. വിദേകാര്യ മന്ത്രാലയമാണ് കത്ത് നൽകിയത്. 

കോൺസുലേറ്റിന്റെ ചുമതലയുള്ള റാഷിദ് ഖാമിസ്‌ അൽ ഷെമിലിയുമായി കൂടിക്കാഴ്ചയ്ക്ക് അവസരം ഒരുക്കണമെന്ന് ഇന്ത്യ കത്തിൽ ആവശ്യപ്പെട്ടു. കോൺസുലേറ്റിലേക്ക് വന്ന പാഴ്‌സലിനെ കുറിച്ച് ചോദിച്ചറിയാനാണ് കൂടിക്കാഴ്ച നടത്തുന്നതെന്ന് വിദേശകാര്യ മന്ത്രാലയം കത്തിൽ ചൂണ്ടിക്കാട്ടുന്നുണ്ട്. 

അറ്റാഷെയുമായി കൂടിക്കാഴ്ച നടത്താൻ അനുമതി നൽകണമെന്നാവശ്യപ്പെട്ട് ബുധനാഴ്ചയാണ് എംബസിക്ക് കത്ത് കൈമാറിയത്. ഇത് സംബന്ധിച്ച് യു.എ.ഇ. കോൺസുലേറ്റിന്റെ പ്രതികരണം വന്നിട്ടില്ല.