ന്യൂഡല്‍ഹി: എഐസിസി ജനറല്‍ സെക്രട്ടറി പ്രിയങ്ക വാദ്രയുടെ വിദ്യാഭ്യാസ യോഗ്യത ചോദ്യം ചെയ്ത് ബിജെപി നേതാവ് സുബ്രഹ്മണ്യന്‍ സ്വാമി. പ്രധാനമന്ത്രി നരേന്ദ്രമോദിയെ ചോദ്യം ചെയ്യാന്‍ ഒരു അര്‍ഹതയുമില്ലെന്ന് സുബ്രഹ്മണ്യന്‍ സ്വാമി പറഞ്ഞു. 

മോദിയെ ചോദ്യം ചെയ്യാന്‍ പ്രിയങ്ക വാദ്രയ്ക്ക് ഒരു അര്‍ഹതയുമില്ല. കുറ്റം പറയാന്‍ വിദ്യാഭ്യാസ യോഗ്യതയുമില്ല. ജീസസ് ആന്റ് മേരി കോളേജില്‍ ഹിന്ദിയില്‍ പ്രിയങ്ക തോറ്റിരുന്നതായും സുബ്രഹ്മണ്യന്‍ സ്വാമി ആരോപിച്ചു. 

ഗാന്ധി കുടുംബം ഒന്നടങ്കം രാജ്യത്തെ തകര്‍ത്തു. വാരാണസിയില്‍ മോദിക്കെതിരെ പ്രിയങ്ക മത്സരിച്ചാല്‍ എന്തായിരിക്കും പ്രതിഫലനം എന്ന ചോദ്യത്തിന് അവിടെ ആര്‍ക്കു വേണമെങ്കിലും മത്സരിക്കാമെന്നായിരുന്നു സുബ്രഹ്മണ്യന്‍ സ്വാമിയുടെ പ്രതികരണം.