ന്യൂഡല്‍ഹി: ഹിന്ദുദൈവങ്ങളെയും ഗുരുക്കളെയും കുറിച്ചല്ലാതെ മറ്റുമതങ്ങളെ  കുറിച്ച് സിനിമയെടുക്കാന്‍ സംവിധായകര്‍ക്ക് ധൈര്യമുണ്ടോയെന്ന് കേന്ദ്രമന്ത്രി ഗിരിരാജ് സിംഗ്. സജ്ഞയ് ബന്‍സാലിയുടെ ബിഗ് ബജറ്റ് ചിത്രമായ പത്മാവതി വിവാദമായിരിക്കുന്ന പശ്ചാത്തലത്തിലാണ് ഗിരി രാജ് സിംഗിന്റെ പ്രതികരണം

മറ്റുമതങ്ങളെ കുറിച്ച് സിനിമയെടുക്കാന്‍ സജ്ഞയ് ബന്‍സാലി ഉള്‍പ്പടെയുള്ള മറ്റ് സംവിധായകന്‍മാരെയും വെല്ലുവിളിച്ചുകൊണ്ടാണ് ഗിരിരാജ് തന്റെ നിലപാട് വ്യക്തമാക്കിയത്. ഇനിയും ഇത്തരം ചിത്രങ്ങള്‍ സംവിധാനം ചെയ്യാന്‍ അനുവദിക്കില്ലെന്നും അദ്ദേഹം പറഞ്ഞു.ചിത്രത്തിനെതിരെ ഉമാഭാരതി അടക്കം ബിജെപി നേതാക്കള്‍ രംഗത്തെത്തിയിരുന്നു. ഹിന്ദു മതത്തെ വികലമായി ചിത്രീകരിക്കുകയാണെന്നാണ് ചിത്രത്തിനെതിരെയുള്ള ആക്ഷേപം