ഷിംല: ഹിമാചല്‍ പ്രദേശ് മുഖ്യമന്ത്രി ജയ്‌റാം താക്കൂര്‍ ക്വാറന്റൈനില്‍. അദ്ദേഹത്തിന്റെ ഓഫീസിലെ ജീവനക്കാരന് കോവിഡ് സ്ഥിരീകരിച്ച പശ്ചാത്തലാണ് ക്വാറന്റൈനില്‍ പോയത്. 

സംസ്ഥാനത്ത് ഇന്നലെ പുതുതായി 33 പേര്‍ക്കാണ് രോഗം സ്ഥീരീകരിച്ചത്. മരണം പത്തായി. 560 സജീവ കേസുകളാണ് ഉള്ളത്. രോഗികളുടെ ആകെ എണ്ണം 1,631 ആണ്. ഇതുവരെ രോഗമുക്തി നേടി ആശുപത്രി വിട്ടത് 1,077 പേരാണ്. 1,19220 സാമ്പിളുകളാണ് പരിശോധിച്ചത്.