തിരൂര്‍: നോവലിസ്റ്റും നാടകകൃത്തും നടനുമായ ആരോമല്‍ (65) അന്തരിച്ചു. ഏറെ നാളായി രോഗബാധിതനായി കിടപ്പിലായിരുന്നു. കടവത്ത് പറമ്പില്‍ വേലായുധന്‍ എന്നായിരുന്നു യഥാര്‍ത്ഥ പേര്. ആരോമല്‍ എന്നത് ഇദ്ദേഹത്തിന്റെ തൂലിക നാമമായിരുന്നു. 

തിരൂരിലെ പഴയ വിജയ ടൂട്ടോറിയല്‍സില്‍ അധ്യാപകനായിരുന്നു ആരോമല്‍. 1970 മുതല്‍ വിവിധ ആനുകാലിക പ്രസിദ്ധീകരണങ്ങളില്‍ കഥ, കവിത, നോവല്‍ എന്നിവ എഴുതിയിരുന്നു. തിരക്കഥകളും രചിച്ചിട്ടുണ്ട്. ഇദ്ദേഹം അവിവാഹിതനാണ്. 

ബാലകൃഷ്ണന്‍, രാജു, ശ്രീമതി, കുട്ടന്‍, കുമാരന്‍, നാരായണന്‍, ലീല, പരേതനായ രാവുണ്ണി എന്നിവരാണ് സഹോദരങ്ങള്‍. സംസ്‌കാരം ശനിയാഴ്ച രാവിലെ എട്ട് മണിക്ക് വീട്ടുവളപ്പില്‍ വെച്ച് നടക്കും.