തിരുവനന്തപുരം: സംസ്ഥാനത്ത് 13 പ്രദേശങ്ങള്‍ കൂടി ഹോട്സ്പോട്ട്. പാലക്കാട്ടെ 10 പ്രദേശങ്ങളും തിരുവനന്തപുരത്തെ മൂന്ന് പ്രദേശങ്ങളുമാണ് ഹോട്ട്സ്പോട്ടായത്. ഇതോടെ സംസ്ഥാനത്തെ മൊത്തം ഹോട്സ്പോട്ടുകളുടെ എണ്ണം 81 ആയി ഉയര്‍ന്നു. ഹോട്ട്‍സ്‍പോട്ട് മേഖലകളില്‍ കോവിഡ് പ്രതിരോധ പ്രവര്‍ത്തനങ്ങള്‍ക്കുള്ള ഓഫീസുകള്‍ മാത്രമായിരിക്കും തുറക്കുക. 

സംസ്ഥാനത്ത് ഇന്ന് 40 പേർക്കാണ് കോവിഡ് സ്ഥിരീകരിച്ചത്. 10 പേർ രോഗ മുക്തരായി. കാസർകോട് 10, പാലക്കാട് എട്ട്, ആലപ്പുഴ ഏഴ്, കൊല്ലം നാല്, പത്തനംതിട്ട മൂന്ന്, വയനാട് മൂന്ന്, കോഴിക്കോട് രണ്ട്, എറണാകുളം രണ്ട്, കണ്ണൂർ ഒന്ന് എന്നിങ്ങനെയാണ് കണക്കുകൾ. 

ഇതിൽ 16 പേര്‍ മഹാരാഷ്ട്രയിൽ നിന്ന് വന്നവരാണ്. ഇതുവരെ രോഗം ബാധിച്ചരുടെ എണ്ണം 1004 ആയി. വിദേശങ്ങളിൽ മരിച്ച മലയാളികളുടെ എണ്ണം 173 ആയെന്ന് മുഖ്യമന്ത്രി വ്യക്തമാക്കി.