മാനന്തവാടി: വയനാട്ടിൽ കുഴിനിലം ചെക്ഡാമിന് സമീപം വിദ്യാർത്ഥി വൈദ്യുതാഘാതമേറ്റ് മരിച്ചു. അടുവാങ്കുന്ന് കോളനിയിലെ രാജു - ബിന്ദു ദമ്പതികളുടെ മകന്‍ അഭിജിത്ത് ആണ് മരിച്ചത്. പതിനാലു വയസ്സായിരുന്നു. 

ചൊവ്വാഴ്ച വൈകിട്ട് കോളനിക്ക് സമീപത്തെ ചെക്ക് ഡാമില്‍ മീന്‍ പിടിക്കാന്‍ ഇറങ്ങിയപ്പോൾ ഷോക്കേറ്റതാണെന്നാണ് സൂചന. വിവരമറിഞ്ഞെത്തിയ നാട്ടുകാര്‍  ഉടന്‍ അഭിജിത്തിനെ മാനന്തവാടി മെഡിക്കല്‍ കോളജ് ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല.

കണിയാരം ഫാ. ജികെഎം ഹയര്‍ സെക്കന്ററി സ്‌കൂളിലെ ഒമ്പതാം ക്ലാസ് വിദ്യാര്‍ത്ഥിയാണ്.  അപകടത്തെ കുറിച്ച് പൊലീസ് അന്വേഷണം ആരംഭിച്ചു.

ഈ വാർത്ത കൂടി വായിക്കൂ 

മുഖ്യമന്ത്രിയുടെ ഓണസദ്യ: 7.86 ലക്ഷം രൂപ കൂടി അനുവദിച്ചു; ആകെ ചെലവ് 26.86 ലക്ഷം

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ