തിരുവനന്തപുരം; 16അടി നീളവും 45കിലോ തൂക്കവുമുള്ള ഭീമൻ പെരുമ്പാമ്പ് വനം വകുപ്പിന്റെ പിടിയിൽ. തിരുവനന്തപുരം പെരിങ്ങമ്മല മങ്കയം സ്വദേശി ഉഷയുടെ വീടിന്റെ കോഴിക്കൂടിനു സമീപത്തുനിന്നാണ് ഭീമൻ പാമ്പിനെ കണ്ടെത്തിയത്. തുടർന്ന് പാലോട് ഫോറസ്റ്റ് ഓഫിസിൽ വിവരം അറിയിച്ചതിനെ തുടർന്ന്  വനം വകുപ്പിലെ സനൽരാജാണ് പാമ്പിനെ പിടികൂടിയത്. 

15 വയസ്സ്  പ്രായവുമുള്ള ആൺപാമ്പ് ഇന്നലെ രാവിലെ കോഴിയെ പിടിക്കാനുള്ള ശ്രമത്തിനിടെയാണ് വീട്ടുകാരുടെ കണ്ണിൽപ്പെട്ടത്. പിടികൂടിയ പാമ്പിനെ പിന്നീട് ഉൾവനത്തിൽ വിട്ടു.