കൊച്ചി: ലഹരി മരുന്നുപയോ​ഗം വീട്ടിലറിയിച്ച 17കാരന് സുഹൃത്തുക്കളുടെ ക്രൂരമർദ്ദനം. കൊച്ചി കളമശേരി ഗ്ലാസ് ഫാക്ടറി കോളനിയിൽ വ്യാഴാഴ്ച ഉച്ചയോടെയാണ് സംഭവം. പ്രായപൂർത്തിയാകാത്ത നാല് പേരെ കളമശേരി പൊലീസ്‌ കസ്റ്റഡിയിലെടുത്തു.

മർദ്ദിക്കുന്ന ദൃശ്യങ്ങൾ പകർത്തി സുഹൃത്തുക്കൾ തന്നെ സോഷ്യൽ മീഡിയ വഴി പ്രചരിപ്പിക്കുകയും ചെയ്തു. 17കാരൻ ഗുരുതരാവസ്ഥയിൽ മെഡിക്കൽ കോളജിൽ ചികിത്സ തേടിയതോടെയാണ് സംഭവം പൊലീസ്‌ അറിഞ്ഞത്. സമപ്രായക്കാരായ നാല് പേരാണ് പിടിയിലായത്. പൊലീസ്‌ ആശുപത്രിയിലെത്തി 17കാരൻറെ മൊഴി രേഖപ്പെടുത്തി.