തിരുവനന്തപുരം :  ഒന്നാം സമ്മാനത്തുക ഇരട്ടിയാക്കി ക്രിസ്മസ് ന്യൂ ഇയർ ബംപർ എത്തുന്നു. ഓണം ബംപർ ലോട്ടറി ടിക്കറ്റിന്റെ അതേ തുകയായ 12 കോടി രൂപയാണ് പുതിയ ഒന്നാം സമ്മാനം. കഴിഞ്ഞ വർഷം 6 കോടിയായിരുന്നു ഒന്നാം സമ്മാനം. ലോട്ടറി ടിക്കറ്റ് വിൽപനയിൽ അടുത്ത കാലത്തുണ്ടായ കുതിച്ചുചാട്ടമാണു സമ്മാനത്തുക ഇരട്ടിപ്പിക്കാൻ കാരണം.

രണ്ടാം സമ്മാനമായി 10 പേർക്ക് 50 ലക്ഷം രൂപ വീതവും മൂന്നാം സമ്മാനമായി 10 പേർക്ക് 10 ലക്ഷം വീതവും ലഭിക്കും.300 രൂപയാണു ടിക്കറ്റ് വില. ഈ മാസം 30ന് ക്രിസ്മസ് ന്യൂ ഇയർ ടിക്കറ്റുകൾ വിപണിയിലെത്തും. 10 സീരീസുകളിലായി 20 ലക്ഷം ടിക്കറ്റുകളാണ് ആദ്യഘട്ടത്തിൽ‌ അച്ചടിക്കുക.