കൊല്ലം; പൊറോട്ട തൊണ്ടയിൽ കുടുങ്ങി മത്സ്യത്തൊഴിലാളി മരിച്ചു. ഓച്ചിറ ക്ലാപ്പന വരവിള മൂർത്തിയേടത്ത് തെക്കതിൽ ഹരീഷ് (45) ആണ് മരിച്ചത്. ശ്വാസനാളത്തിൽ പൊറോട്ട കുടുങ്ങിയതിനെ തുടർന്ന് കുഴഞ്ഞുവീഴുകയായിരുന്നു. 

ചൊവ്വാഴ്ച രാത്രി 9ന് ഹരീഷ് വരവിള ഗവ:എൽപി സ്കൂളിൽ സമീപത്തെ ബന്ധു വീട്ടിലെത്തി ഹോട്ടലിൽനിന്നു വാങ്ങിയ പൊറോട്ട കഴിച്ചത്. രണ്ടാമത്തെ പൊറോട്ട പകുതി കഴിക്കുന്നതിനിടയിൽ കുഴഞ്ഞു വീഴുകയായിരുന്നു. മൃതദേഹം പാരിപ്പള്ളി മെഡിക്കൽ കോളജ് ആശുപത്രിയിൽ പോസ്റ്റ്മോർട്ടം നടത്തിയ ശേഷം ഇന്നലെ വൈകിട്ട് വീട്ടുവളപ്പിൽ സംസ്കരിച്ചു. ഓച്ചിറ പൊലീസ് കേസെടുത്തു.