മൂന്നാര്: ഇടുക്കി വണ്ടിപ്പെരിയാറില് ആറു വയസ്സുകാരിയെ പീഡിപ്പിച്ച് കൊലപ്പെടുത്തിയ ശേഷം കെട്ടിത്തൂക്കിയ കേസില് നാളെ വിധി പറയും. കട്ടപ്പന അതിവേഗ പ്രത്യേക കോടതിയാണ് വിധി പറയുന്നത്. കുറ്റപത്രം സമര്പ്പിച്ച് രണ്ടു വര്ഷത്തിനു ശേഷമാണ് കേസില് വിധി വരുന്നത്.
2021 ജൂണ് മുപ്പതിനാണ് വണ്ടിപ്പെരിയാര് ചുരക്കുളം എസ്റ്റേറ്റ് ലയത്തില് ആറു വയസ്സുകാരിയെ പീഡിപ്പിച്ച് കൊലപ്പെടുത്തി കെട്ടിത്തൂക്കിയത്. കഴുത്തില് ഷാള് കുരുങ്ങി മരിച്ചെന്നാണ് ആദ്യം കരുതിയിരുന്നത്. എന്നാല് പോസ്റ്റ്മോര്ട്ടം റിപ്പോര്ട്ടില് കുട്ടി പീഡനത്തിന് ഇരയായെന്നും കൊലപ്പെടുത്തുകയാണെന്നും തെളിഞ്ഞു.
തുടര്ന്ന് നടത്തിയ അന്വേഷണത്തെത്തുടര്ന്നാണ് വണ്ടിപ്പെരിയാര് സ്വദേശി അര്ജുന് പൊലീസ് പിടിയിലാകുന്നത്. പീഡനത്തിനിടെ ബോധരഹിതയായ പെണ്കുട്ടിയെ കൊലപ്പെടുത്തിയ ശേഷം കെട്ടിത്തൂക്കുകയായിരുന്നുവെന്നും പൊലീസ് അന്വേഷണത്തില് വ്യക്തമായി. പ്രതി മൂന്നു വയസു മുതല് പെണ്കുട്ടിയെ പീഡിപ്പിക്കുകയായിരുന്നു. മാതാപിതാക്കള് ജോലിക്കു പോകുന്ന സമയത്താണ് പ്രതി കുട്ടിയെ പീഡിപ്പിച്ചത്്.
2021 സെപ്റ്റംബര് 21 ന് കുറ്റപത്രം സമര്പ്പിച്ചു. കൊലപാതകം, ബലാത്സംഗം, പോക്സോ നിയമത്തിലെ വിവിധ വകുപ്പുകള് എന്നിവയാണ് ചുമത്തിയിരിക്കുന്നത്. കേസില് 48 പേരെ വിസ്തരിച്ചു. 69 ലധികം രേഖകളും 16 വസ്തുക്കളും തെളിവായി കോടതിയില് സമര്പ്പിച്ചു.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates