കണ്ണൂര്: പയ്യന്നൂരില് പൊലീസിനെ ബോംബെറിഞ്ഞ കേസില് ശിക്ഷിക്കപ്പെട്ട ഡിവൈഎഫ്ഐ നേതാവിന് പരോള് അനുവദിച്ചു. പയ്യന്നൂര് നഗരസഭയിലെ കാര വാര്ഡില് നിന്നും ജയിച്ച വി കെ നിഷാദിനാണ് ആറു ദിവസത്തെ പരോള് അനുവദിച്ചത്. നിഷാദിന്റെ പിതാവിന് അസുഖം ബാധിച്ചതിനാലാണ് പുറത്തിറങ്ങണമെന്ന അപേക്ഷയില് പരോള് അനുവദിച്ചതെന്നാണ് ജയില് വകുപ്പിന്റെ വിശദീകരണം.
പൊലീസിനെ ബോംബെറിഞ്ഞ കേസിലാണ് വി കെ നിഷാദ് ശിക്ഷിക്കപ്പെട്ടത്. അന്നത്തെ സിപിഎം കണ്ണൂര് ജില്ലാ സെക്രട്ടറിയായിരുന്ന പി ജയരാജനെ എംഎസ്എഫ് പ്രവര്ത്തകന് അരിയില് ഷുക്കൂര് വധക്കേസില് ഗൂഢാലോചന കേസില് അറസ്റ്റ് ചെയ്തതിനെ തുടര്ന്നാണ് പയ്യന്നൂര് ടൗണില് സംഘര്ഷമുണ്ടായത്. ഇതിനിടെയിലാണ് വി കെ നൗഷാദ് പയ്യന്നൂര് നഗരത്തില് ബൈക്കിലെത്തി പൊലീസിന് നേരെ ബോംബേറിഞ്ഞത്.
കഴിഞ്ഞ മാസം 25 നാണ് നിഷാദിനെ തളിപ്പറമ്പ് കോടതി 20 വര്ഷം തടവിന് ശിക്ഷിച്ചത്. ജയിലില് ഒരു മാസം തികയുമ്പോഴാണ് പരോള് ലഭിച്ചത്. ഡിവൈഎഫ്ഐ കണ്ണൂര് ജില്ലാ സെക്രട്ടറിയേറ്റ് അംഗമാണ് നിഷാദ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates