കണ്ണൂര്: രാഹുല് ഗാന്ധിയുടെ കല്പ്പറ്റയിലെ എംപി ഓഫീസിന് നേരെയുണ്ടായ എസ്എഫ്ഐ ആക്രമണത്തില് പ്രതിഷേധിച്ച് കോണ്ഗ്രസ് നടത്തിയ മാര്ച്ച് നിഷ്ക്രിയമായി നോക്കിനിന്നതിന് പൊലീസുകാര്ക്കെതിരെ നടപടി. ഒരു എസ് ഐ ഉള്പ്പെടെ ഏഴു പൊലീസുകാര്ക്കാണ് നോട്ടീസ് നല്കിയത്.
വൈകീട്ട് നാലു മണിയ്ക്ക് തന്റെ മുന്നില് ഓര്ഡര്ലി മാര്ച്ച് നടത്തണമെന്ന് എസ് പി രത്നകുമാര് നോട്ടീസില് ആവശ്യപ്പെട്ടു. റോഡ് ഉപരോധ സമയത്ത് നടപടി എടുക്കാതെ പൊലീസ് കണ്ടുനിന്നു. പൊലീസ് നിഷ്ക്രിയരായി നില്ക്കുന്നത് സി സി ടി വിയില് വ്യക്തമായി എന്നും നോട്ടീസില് പറയുന്നുണ്ട്.
ജൂണ് 25 നാണ് കണ്ണൂര് ടൗണ് പരിധിയില് കോണ്ഗ്രസ്-യൂത്ത് കോണ്ഗ്രസ് പ്രവര്ത്തകര് റോഡ് ഉപരോധിച്ച് സമരം നടത്തിയത്. റോഡ് ഉപരോധം ഏകദേശം 15 മിനുട്ടോളം നീണ്ടു നിന്നിരുന്നു. വലിയ തോതില് പ്രതിഷേധം ഉണ്ടായിരുന്നു. സംഭവത്തില് എസിപിയോട് അന്വേഷിക്കാന് എസ്പി നിര്ദേശം നല്കിയിരുന്നു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ടസ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates