പാകിസ്ഥാനെതിരെ നയതന്ത്രതലത്തില് നടപടികള് ശക്തമാക്കിയതിന് പിന്നാലെ എല്ലാ സംസ്ഥാനങ്ങളിലെയും മുഖ്യമന്ത്രിമാരെ നേരില് വിളിച്ച് ആഭ്യന്തരമന്ത്രി അമിത് ഷാ. രാജ്യം വിടുന്നതിന് നിശ്ചയിച്ചിരിക്കുന്ന സമയപരിധി കഴിഞ്ഞിട്ടും ഒരു പാകിസ്ഥാനിയും ഇന്ത്യയില് തങ്ങില്ലെന്ന് ഉറപ്പുവരുത്തണമെന്ന് അദ്ദേഹം മുഖ്യമന്ത്രിമാരോട് ആവശ്യപ്പെട്ടതായി കേന്ദ്രസര്ക്കാര് വൃത്തങ്ങള് അറിയിച്ചു..ഐഎസ്ആര്ഒ മുന് ചെയര്മാനും പ്രമുഖ ബഹരികാശ ശാസ്ത്രജ്ഞനുമായ കൃഷ്ണസ്വാമി കസ്തൂരിരംഗന് (84) അന്തരിച്ചു. ബംഗളൂരുവിലെ വീട്ടില് വച്ചായിരുന്നു അന്ത്യം. 1994 മുതല് 2003 വരെ ഐഎസ്ആര്ഒയുടെ ചെയര്മാന് ആയിരുന്ന കസ്തൂരിരംഗന് ഇന്ത്യന് ബഹിരാകാശ മേഖലയുടെ വളര്ച്ചയ്ക്ക് നിരവധി സംഭാവനകള് നല്കിയിട്ടുണ്ട്.2003 മുതല് 2009 വരെ രാജ്യസഭ അംഗമായിരുന്നു. പുതിയ ദേശീയ വിദ്യാഭ്യാസ നയത്തിന്റെ മുഖ്യശില്പ്പിയാണ്. പശ്ചിമഘട്ട സംരക്ഷണത്തിനുള്ള ഗാഡ്ഗില് കമ്മിറ്റി റിപ്പോര്ട്ട് പഠിക്കാന് നിയോഗിക്കപ്പെട്ട സമിതിയുടെ തലവനായിരുന്നു..സംസ്ഥാനത്ത് ഐടി പാര്ക്കുകളില് മദ്യം വിളമ്പാന് അനുമതി. ഇതുസംബന്ധിച്ച സര്ക്കാര് ഉത്തരവ് പുറത്തിറങ്ങി. 10 ലക്ഷം രൂപയാണ് വാര്ഷിക ലൈസന്സ് ഫീ. ഐടി പാര്ക്കുകളിലും കൊച്ചി ഇന്ഫോ പാര്ക്കിലും ഓരോ മദ്യ ഷോപ്പുകള് തുടങ്ങാനാണ് ഇപ്പോള് അനുമതിയായിരിക്കുന്നത്. സംസ്ഥാന സര്ക്കാരിന്റെ മദ്യ നയത്തിന്റെ ഭാഗമായിട്ടാണ് നടപടി.. 26 പേരുടെ മരണത്തിനിടയാക്കിയ പഹല്ഗാം ഭീകരാക്രമണത്തിന് മറുപടിയായി സിന്ധു നദീജല കരാര് മരവിപ്പിച്ചത് ഇന്ത്യ കര്ക്കശമായി നടപ്പാക്കുമെന്ന് കേന്ദ്രസര്ക്കാര്. ആഭ്യന്തരമന്ത്രി അമിത് ഷായുടെ അധ്യക്ഷതയില് ചേര്ന്ന യോഗത്തിലാണ് ഇത് സംബന്ധിച്ച് ധാരണയായത്. പാകിസ്ഥാനിലേക്ക് വെള്ളം ഒഴുകുന്നത് തടയാനുള്ള തീരുമാനവുമായി മുന്നോട്ടുപോകാന് യോഗത്തില് തീരുമാനിച്ചു. പാകിസ്ഥാന് ഒരു തുള്ളി വെള്ളം പോലും ലഭിക്കില്ലെന്ന് ഉറപ്പാക്കാന് മൂന്ന് പദ്ധതികള് ആവിഷ്കരിച്ചതായും യോഗത്തിന് ശേഷം ജലവിഭവ മന്ത്രി സിആര് പാട്ടില് പറഞ്ഞു.കോണ്ഗ്രസ് മുഖപത്രം നാഷണല് ഹെറാള്ഡുമായി ബന്ധപ്പെട്ട കള്ളപ്പണം വെളുപ്പിക്കല് കേസില് രാഹുല് ഗാന്ധിക്കും സോണിയ ഗാന്ധിക്കും നോട്ടീസയക്കാന് വിസമ്മതിച്ച് കോടതി. വ്യക്തമായ രേഖകള് നല്കാതെ സോണിയയ്ക്കും രാഹുലിനും നോട്ടീസ് അയയ്ക്കാന് പറ്റില്ലെന്നാണ് ഡല്ഹി റോസ് അവന്യു കോടതിയുടെ നിലപാട്. ഇഡി സമര്പ്പിച്ച കുറ്റപത്രം പരിശോധിച്ച കോടതി വിഷയത്തില് അടിയന്തിരമായി നോട്ടീസ് നല്കാന് സാധിക്കില്ലെന്ന് വ്യക്തമാക്കുകയായിരുന്നു. കേസ് മെയ് രണ്ടിന് വീണ്ടും പരിഗണിക്കും..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates