അർജന്റീന- കൊളംബിയ ഫൈനൽ എക്സ്
Kerala

കോപ്പയിൽ അർജന്‍റീന- കൊളംബിയ ഫൈനൽ, നീറ്റിൽ നിർണായകം... ഇന്നത്തെ 5 പ്രധാന വാർത്തകൾ

യൂറോ കപ്പിൽ സ്പെയിൻ- ഇം​ഗ്ലണ്ട് ​ഗ്രാൻഡ് ഫിനാലെ

സമകാലിക മലയാളം ഡെസ്ക്

നീറ്റ് പരീക്ഷയുടെ പവിത്രത നഷ്ടമായാൽ പുനഃപരീക്ഷ നടത്താമെന്ന് ചീഫ് ജസ്റ്റിസ് ഡി വൈ ചന്ദ്രചൂഡ് നേരത്തെ വ്യക്തമാക്കിയിരുന്നു. ചോർച്ചയുടെ വ്യാപ്തി കണ്ടെത്താൻ കഴിഞ്ഞില്ലെങ്കിൽ പുനഃപരീക്ഷയിലേക്ക് നീങ്ങണം.

10 പേരുമായി രണ്ടാം പകുതി, പക്ഷേ പതറിയില്ല! ഉറുഗ്വെയെ വീഴ്ത്തി കൊളംബിയ ഫൈനലില്‍

ഗോള്‍ നേട്ടമാഘോഷിക്കുന്ന കൊളംബിയന്‍ താരങ്ങള്‍

കരുത്തരായ ഉറുഗ്വെയെ എതിരില്ലാത്ത ഒറ്റ ഗോളിനു വീഴ്ത്തി കൊളംബിയ കോപ്പ അമേരിക്ക ഫുട്‌ബോള്‍ പോരാട്ടത്തിന്റെ ഫൈനലില്‍. കലാശപ്പോരാട്ടത്തില്‍ നിലവിലെ ചാമ്പ്യന്‍മാരും ലോക ജേതാക്കളുമായ അര്‍ജന്റീനയാണ് കൊളംബിയയുടെ എതിരാളികള്‍. 23 വര്‍ഷങ്ങള്‍ക്ക് ശേഷമാണ് കൊളംബിയ കോപ്പയുടെ ഫൈനല്‍ കാണുന്നത്.

'സാൻ ഫെർണാണ്ടോ തീരത്തടുക്കുന്നു'; 9 മണിയോടെ കപ്പൽ വിഴിഞ്ഞം തുറമുഖത്ത് അടുപ്പിക്കും, ട്രയൽ റൺ നാളെ

'സാൻ ഫെർണാണ്ടോ തീരത്തടുക്കുന്നു'

കേരളത്തിന്റെ സ്വപ്നപദ്ധതിയായ വിഴിഞ്ഞത്തിന്റെ തീരത്തേക്ക് ഒടുവിൽ കപ്പലടക്കുന്നു. ആദ്യ ചരക്ക് കപ്പലായ സാൻ ഫെർണാണ്ടോ 7.30 ഓടെ വിഴിഞ്ഞം തുറമുഖത്തിന്റെ ഔട്ടർ ഏരിയയിൽ എത്തും. ഒൻപത് മണിയോടെ കപ്പൽ തുറമുഖത്ത് അടുപ്പിക്കും. വർഷങ്ങളുടെ കാത്തിരിപ്പിനൊടുവിലാണ് ചരക്കുകപ്പൽ തീരമണയുന്നത്.

വരും മണിക്കൂറിൽ വടക്കൻ ജില്ലകളിൽ മഴ; ഉയർന്ന തിരമാല, ശക്തമായ കാറ്റ്

പ്രതീകാത്മകം

വരുന്ന മണിക്കൂറുകളിൽ വടക്കൻ ജില്ലകളിൽ ഒറ്റപ്പെട്ട മഴയ്ക്ക് സാധ്യതയുണ്ടെന്നു കാലാവസ്ഥാ വകുപ്പ്. ഇന്ന് ഒരു ജില്ലയിലും മുന്നറിയിപ്പുകളില്ല. വരും മണിക്കൂറുകളിൽ മലപ്പുറം, കോഴിക്കോട്, വയനാട്, കണ്ണൂർ, കാസർക്കോട് ജില്ലകളിൽ ഒറ്റപ്പെട്ടയിടങ്ങളിൽ നേരിയ മഴയ്ക്ക് സാധ്യതയുണ്ടെന്നാണ് കാലാവസ്ഥാ പ്രവചനം.

നീറ്റിൽ നിർണായകം; പുനഃപരീക്ഷയിൽ സുപ്രീം കോടതി തീരുമാനം ഇന്ന്

സുപ്രീം കോടതി

നീറ്റ് പരീക്ഷാ ചോദ്യ പേപ്പർ ചോർച്ചയുമായി ബന്ധപ്പെട്ട വിവാദത്തിൽ സുപ്രീം കോടതിയുടെ നിർണായക തീരുമാനം ഇന്ന്. പുനഃപരീക്ഷ സംബന്ധിച്ചു ചീഫ് ജസ്റ്റിസ് അധ്യക്ഷനായ ബഞ്ച് ഇന്ന് തീരുമാനം എടുക്കും. ഹർജിയിൽ കേന്ദ്രവും എൻടിഎയും ഇന്നലെ സത്യവാങ്മൂലം സമർപ്പിച്ചു.

ഓറഞ്ച് ഹൃദയം തകർത്ത് വാറ്റ്കിൻസ് ​ഗോൾ! ഇം​ഗ്ലണ്ട് ഫൈനലിൽ

90ാം മിനിറ്റില്‍ വിജയ ഗോള്‍ നേടിയ വാറ്റ്കിന്‍സിന്‍റെ (19) ആഹ്ലാദം

സൂപ്പർ സബായി കളത്തിലെത്തിയ ഒലി വാറ്റ്കിൻസ് നേടിയ അവസാന നിമിഷ ​ഗോളിൽ നെതർലൻഡ്സിനെ വീഴ്ത്തി ഇം​ഗ്ലണ്ട് തുടർച്ചയായി രണ്ടാം തവണയും യൂറോ കപ്പ് ഫൈനലിൽ. ഒന്നിനെതിരെ രണ്ട് ​ഗോളുകൾക്കാണ് ഇം​ഗ്ലണ്ടിന്റെ ജയം. ആദ്യ പകുതിയിൽ ഇരു ടീമുകളും ഓരോ ​ഗോൾ വീതം നേടി സമനില പാലിച്ചു. ഒടുവിൽ അവസാന ഘട്ടത്തിൽ ഓറഞ്ച് ഹൃദയം തകർത്ത് ഇം​ഗ്ലീഷ് ​ഗോൾ വന്നു.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

Also Read

'ഇന്ത്യയുടെ ഭൂപടത്തില്‍ കേരളവുമുണ്ടെന്ന വസ്തുത ധനമന്ത്രി വിസ്മരിച്ചു'; ബജറ്റിനെതിരെ മുഖ്യമന്ത്രി

നെഞ്ചുവേദന; തന്ത്രി കണ്ഠര് രാജീവര് ആശുപത്രിയില്‍

50MP കാമറ, 6,500mAh ബാറ്ററി; വിവോ വി70 സീരീസ് ലോഞ്ച് ഈ മാസം

കാട്ടുപോത്ത് വിരണ്ടോടി ബൈക്ക് ഷോറൂമിലേക്ക് പാഞ്ഞുകയറി; ചില്ലും ഫർണിച്ചറുകളും തകർത്തു (വിഡിയോ)

ഒരു ലക്ഷം രൂപയില്‍ താഴെ വില; ഡിയോ 125 എക്‌സ് എഡിഷന്‍, അറിയാം ഫീച്ചറുകള്‍

SCROLL FOR NEXT