ആലപ്പുഴ: അരൂര്- തുറവൂര് ഉയരപ്പാത നിര്മാണവുമായി ബന്ധപ്പെട്ട് മറ്റന്നാള് മുതല് ദേശീയപാതയില് ഗതാഗതനിയന്ത്രണം. റോഡ് ടാര് ചെയ്ത് സഞ്ചാര യോഗ്യമാക്കുന്നതിന്റെ ഭാഗമായി അരൂരില് നിന്ന് തുറവൂര് ഭാഗത്തേയ്ക്കുള്ള വാഹനങ്ങള് അരൂര്ക്ഷേത്രം ജംഗ്ഷനില് നിന്ന് ഇടത്തോട്ട് തിരിച്ചുവിടും. തുറവൂരില് നിന്ന് അരൂര് ഭാഗത്തേയ്ക്കുള്ള വാഹനങ്ങള് ദേശീയപാതയിലൂടെ തന്നെ കടത്തിവിടും.
ആലപ്പുഴ ജില്ലയുടെ ചുമതലയുള്ള മന്ത്രി പി പ്രസാദിന്റെ അധ്യക്ഷതയില് ഇന്ന് ചേര്ന്ന ഓണ്ലൈന് യോഗത്തിലാണ് ഗതാഗതനിയന്ത്രണം ഏര്പ്പെടുത്താന് തീരുമാനിച്ചത്. നിലവില് അരൂര്- തുറവൂര് ഉയരപ്പാത നിര്മാണവുമായി ബന്ധപ്പെട്ട്് കഴിഞ്ഞ കുറെ നാളുകളായി ദേശീയപാതയില് വലിയ ഗതാഗത കുരുക്ക് ആണ് അനുഭവപ്പെടുന്നത്. ഉയരപ്പാത നിര്മാണം തുടങ്ങിയത് മുതല് ഗതാഗത കുരുക്ക് ഉണ്ട്. എന്നാല് റോഡ് തകരാറിലായതോടുകൂടി ഗതാഗത കുരുക്ക് രൂക്ഷമായിരിക്കുകയാണ്. ഇതിന് താത്കാലിക പരിഹാരമെന്നോണം റോഡില് ടാറിങ് നടത്താനാണ് ഗതാഗത നിയന്ത്രണം ഏര്പ്പെടുത്താന് തീരുമാനിച്ചത്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
തുടക്കമെന്ന നിലയില് കിഴക്കുഭാഗത്തെ അരൂര് മുതല് തുറവൂര് ഭാഗം വരെയുള്ള റോഡ് ടാര് ചെയ്യും. റോഡ് ടാര് ചെയ്യുന്നതിന്റെ ഭാഗമായി മൂന്ന് ദിവസമാണ് ദേശീയപാതയില് ഗതാഗത നിയന്ത്രണം ഏര്പ്പെടുത്തുന്നത്. ബുധന്, വ്യാഴം, വെള്ളി ദിവസങ്ങളിലാണ് മേല്പാതയോട് ചേര്ന്നുള്ള കിഴക്കുഭാഗത്തെ റോഡ് ടാര് ചെയ്യുന്നത്. അരൂര് നിന്ന് തുറവൂര് ഭാഗത്തേയ്ക്ക് പോകുന്ന വാഹനങ്ങള് അരൂര് അമ്പല ജംഗ്ഷനില് എത്തി അരൂകുറ്റി വഴി തൈക്കാട്ടുശേരിയിലൂടെ തുറവൂര് ജംഗ്ഷനില് എത്തണം. പടിഞ്ഞാറെ ഭാഗത്തെ റോഡ് പുനര്നിര്മിക്കുമ്പോള് അവിടെയും ഗതാഗത നിയന്ത്രണം ഏര്പ്പെടുത്തും. കിഴക്കുഭാഗത്തെ റോഡ് ടാര് ചെയ്ത് കഴിഞ്ഞ ശേഷം മാത്രമാണ് പടിഞ്ഞാറെ ഭാഗത്തെ റോഡ് പുനര്നിര്മിക്കുക.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates