തിരുവനന്തപുരം: യൂത്ത് കോണ്ഗ്രസ് സംസ്ഥാന അധ്യക്ഷന് രാഹുല് മാങ്കൂട്ടത്തിലിനെ റിമാന്ഡ് ചെയ്തതിനെത്തുടര്ന്ന് സംസ്ഥാന വ്യാപകമായി പ്രതിഷേധം ശക്തമാക്കാന് തീരുമാനം. ഇതിന്റെ ഭാഗമായി നാളെ സെക്രട്ടേറിയറ്റിലേക്ക് പ്രതിഷേധ മാര്ച്ച് നടത്തും. തിരുവനന്തപുരം ജില്ലാ കമ്മിറ്റിയുടെ നേതൃത്വത്തില് പന്ത്രണ്ട് മണിക്കാണ് മാര്ച്ച്.
അറസ്റ്റ് ചെയ്തയുടന് കാസര്ഗോഡ് യൂത്ത് കോണ്ഗ്രസ് പ്രവര്ത്തകര് മുഖ്യമന്ത്രിയുടെ കോലം കത്തിച്ചു. ദേശീയ പാത ഉപരോധിക്കാനുള്ള പ്രവര്ത്തകരുടെ നീക്കം പൊലീസ് തടഞ്ഞു. നേതാക്കളുള്പ്പെടെ പത്തോളം പ്രവര്ത്തകരെ പൊലീസ് അറസ്റ്റുചെയ്ത് നീക്കി.
സര്ക്കാരിനെതിരെ സംസാരിക്കുന്നവരെ അടിച്ചമര്ത്താനുള്ള നീക്കമാണ് നടക്കുന്നതെന്ന് രമേശ് ചെന്നിത്തല പ്രതികരിച്ചു. സര്ക്കാരിന്റെ ജനവിരുദ്ധ നയങ്ങള്ക്കെതിരായ പോരാട്ടങ്ങള് തുടരും. രാഹുലിനെ അറസ്റ്റ് ചെയ്തെങ്കിലും സര്ക്കാരിന് മുന്നില് അടിയറവ് പറയില്ല. സമാധാനപരമായ സമരങ്ങളുമായി മുന്നോട്ടുപോകുമെന്നും ചെന്നിത്തല പറഞ്ഞു.
വഞ്ചിയൂര് കോടതിയാണ് രാഹുലിന്റെ ജാമ്യം തള്ളിയത്. പൂജപ്പുര സെന്ട്രല് ജയിലിലേക്കാണ് രാഹുലിനെ കൊണ്ടുപോയത്. ഈ മാസം 22 വരെയാണ് റിമാന്ഡ്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്തി. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates