ഇടുക്കി; ശുദ്ധജല ടാങ്കിനുള്ളിൽ നിന്ന് സ്ഫോടക വസ്തു കണ്ടെത്തി. കട്ടപ്പന വാഴവര ഏഴാംമൈലിനു സമീപം വലിയപറമ്പിൽ ഷാജി പാട്ടത്തിന് കൃഷി ചെയ്യുന്ന സ്ഥലത്തെ ടാങ്കിനുള്ളിൽ നിന്നാണ് സ്ഫോടക വസ്തു കിട്ടിയത്. 

ഏലത്തിന് മരുന്ന് തളിക്കാൻ വെള്ളം എടുത്തപ്പോൾ ഹോസിലൂടെ ചാരം പുറത്തേക്ക് വരികയായിരുന്നു. സംശയം തോന്നി പരിശോധിച്ചപ്പോഴാണ് ടാങ്കിനുള്ളിൽ സ്‌ഫോടക വസ്തു കണ്ടെത്തിയത്. ടാങ്കിന്റെ മൂടി തകർത്താണ് സ്‌ഫോടക വസ്തു നിക്ഷേപിച്ചിരുന്നത്. കൃഷിയിടത്തിലെ വീടിനു മുൻവശത്തെ ബൾബ് നശിപ്പിക്കുകയും വീടിനു സമീപം സൂക്ഷിച്ചിരുന്ന 1800 രൂപയുടെ ഹോസ് മോഷ്ടിക്കുകയും ചെയ്തിട്ടുണ്ട്.  ഷാജി പൊലീസിൽ പരാതി നൽകി.