തിരുവനന്തപുരം: കേരള പത്രപ്രവര്‍ത്തക യൂണിയൻ (കെയുഡബ്ല്യുജെ) സംസ്ഥാന പ്രസിഡന്‍റും ‘മാധ്യമം’ തിരുവനന്തപുരം യൂണിറ്റ് ന്യൂസ് എഡിറ്ററുമായ കെപി റെജിയുടെ ഭാര്യ ആഷ ശിവരാമന്‍ (41) നിര്യാതയായി. പെരിന്തല്‍മണ്ണ അല്‍ഷിഫ, കോഴിക്കോട് ജെഡിടി, കൊട്ടാരക്കര വിജയ, കോഴഞ്ചേരി മുത്തൂറ്റ് നഴ്‌സിങ് കോളജുകളിലും കൊല്‍ക്കത്ത ഇന്‍സ്റ്റിറ്റ്യൂട്ട് ഓഫ് സൈക്യാട്രിയിലും അസോസിയേറ്റ് പ്രൊഫസർ ആയിരുന്നു.

മഹാത്മാഗാന്ധി സര്‍വകലാശാലയില്‍ നിന്നു റിഹാബിലിറ്റേഷന്‍ നഴ്സിങില്‍ പിഎച്ച്‌ഡി നേടിയിട്ടുണ്ട്​. റാന്നി മക്കപ്പുഴ അപ്സരയില്‍ റിട്ട. എഇഒ സികെ ശിവരാമന്‍റെയും റിട്ട. അധ്യാപിക പി ശ്രീദേവിയുടെയും മകളാണ്.

കഴക്കൂട്ടം സൈനിക് സ്കൂള്‍ വിദ്യാര്‍ഥി ദേവനന്ദന്‍ മകനാണ്.