കൊച്ചി: ​ദമ്പതികളെ ആക്രമിച്ച് വാഹനവും പണവും കവർന്ന സംഭവത്തിൽ പ്രതി പിടിയിൽ. ആലുവയിൽ കഴിഞ്ഞ ദിവസമാണ് സംഭവം. കൊടികുത്തിമല സ്വദേശി ഷഫീഖ് ആണ് പിടിയിലായത്. 

രാത്രി ഒൻപത് മണിയോടെയാണ് ഷഫീഖ് കാറിൽ സഞ്ചരിച്ച ദമ്പതികളെ ബൈക്കിൽ പിന്തുടർന്ന് ആക്രമിച്ചത്. കാറിനു കുറുകെ ബൈക്ക് നിർത്തി പിന്നീട് ഇടിവള ഉപയോ​ഗിച്ച് മർദ്ദിക്കുകയായിരുന്നു. 

മൊബൈൽ ഫോണും ദമ്പതികളുടെ കൈയിലുണ്ടായിരുന്ന 60,000 രൂപയും ഒപ്പം കാറുമായി ഇയാൾ കടന്നു കളയുകയായിരുന്നു. പൊലീസെത്തിയാണ് ദമ്പതികളെ ആശുപത്രിയിലേക്ക് മാറ്റിയത്. 

പിന്നാലെ പൊലീസ് വ്യാപകമായ തിരച്ചിൽ നടത്തി. കളമശ്ശേരിയിലെ രഹസ്യ സങ്കേതത്തിൽ വച്ച് ഇയാളെ പിടികൂടി. മുൻപ് കഞ്ചാവ് വിൽപ്പനയടക്കം പല കേസുകളിൽ ഇയാൾ പ്രതിയാണെന്നും പൊലീസ് വ്യക്തമാക്കി.

ഈ വാർത്ത കൂടി വായിക്കൂ 

ഒന്നര വയസുള്ള മകനെ കഴുത്തു ഞെരിച്ച് കൊന്നു; അമ്മയ്ക്ക് ജീവപര്യന്തം, ഒരു ലക്ഷം പിഴ

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ