മൂന്നാര്: കേരളത്തില് വീണ്ടും ആംബര്ഗ്രിസ് വില്ക്കാന് ശ്രമം. വിപണിയില് അഞ്ചു കോടി രൂപ വിലമതിക്കുന്ന ആംബര്ഗ്രിസുമായി അഞ്ചുപേരെ വനംവകുപ്പ് ഉദ്യോഗസ്ഥര് അറസ്റ്റ് ചെയ്തു.
പഴയ മൂന്നാര് സ്വദേശി മുനിയസ്വാമി (48), സഹോദരന് തമിഴ്നാട് വത്തലഗുണ്ഡില് താമസിക്കുന്ന മുരുകന് (42), വത്തലഗുണ്ട് സ്വദേശി രവികുമാര് (40), തേനി എരുമചോല സ്വദേശി വേല്മുരുകന് (43), തേനി കല്ലാര് സ്വദേശി സേതു (21) എന്നിവരാണ് പിടിയിലായത്.
രഹസ്യ വിവരം ലഭിച്ചതിന്റെ അടിസ്ഥാനത്തില് വനംവകുപ്പ് വിജിലന്സ് വിഭാഗം നടത്തിയ നീക്കത്തിലാണ് സംഘം പിടിയിലായത്.
വിജിലന്സ് സംഘവും മൂന്നാര് റെയ്ഞ്ചറുടെ നേതൃത്വത്തിലുള്ള സംഘവും നടത്തിയ പരിശോധനയിലാണ് പഴയ മൂന്നാറിലെ ലോഡ്ജില്നിന്നു ഇവരെ പിടികൂടിയത്.
ആംബര്ഗ്രിസ് ലഭിച്ചത് എവിടെനിന്നെന്നും ആര്ക്കാണ് കൈമാറാന് കൊണ്ടുവന്നതെന്നും അറിയാന് ഇവരെ ചോദ്യം ചെയ്തു വരികയാണെന്ന് ഉദ്യോഗസ്ഥര് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates