Bypoll results LIVE | തമിഴ്നാട്ടിൽ TVKയും AIADMKയും ഒപ്പത്തിനൊപ്പം, ബം​ഗാളിലും പുതുച്ചേരിയിലും എൻഡിഎയ്ക്ക് ലീഡ്

മധുരാന്തകം മണ്ഡലത്തില്‍ ടിവികെ സ്ഥാനാര്‍ത്ഥി കെ മരഗതം കുമാരവേല്‍ ലീഡ് ചെയ്യുന്നു. ഡിഎംകെയുടെ പരന്തമെന്‍ രണ്ടാമതാണ്. എഐഎഡിഎംകെയുടെ കനിതാസമ്പത്ത് മൂന്നാമതാണ്.

ധാരാപുരത്ത് എഐഎഡിഎംകെ സ്ഥാനാര്‍ത്ഥി കെ ഭാനുമതി ലീഡ് ചെയ്യുന്നു. ടിവികെയും പി സത്യബാമയേക്കാള്‍ 5573 വോട്ടുകള്‍ക്കാണ് മുന്നിട്ടു നില്‍ക്കുന്നത്. ഡിഎംകെ സ്ഥാനാര്‍ത്ഥി എസ് സുകന്യ മൂന്നാം സ്ഥാനത്താണ്‌

തമിഴ്നാട്, പശ്ചിമബം​ഗാൾ, പുതുച്ചേരി, അസം എന്നീ സംസ്ഥാനങ്ങളിലെ അഞ്ച് നിയമസഭാ മണ്ഡലങ്ങളിലേക്കും ഒരു ലോക്സഭ മണ്ഡലത്തിലേക്കും നടന്ന ഉപതെരഞ്ഞെടുപ്പിന്റെ വോട്ടെണ്ണൽ പുരോ​ഗമിക്കുകയാണ്. ആദ്യ സൂചനകൾ പ്രകാരം തമിഴ്നാട്ടിലെ രണ്ട് മണ്ഡലങ്ങളിലും പുതുച്ചേരിയിലും ബം​ഗാളിലും എൻഡിഎയാണ് ലീഡ് ചെയ്യുന്നത്.