കൊല്ലം: ഓട്ടോറിക്ഷയിൽ യാത്രയ്ക്കിടെ യുവതിയെ ഉപദ്രവിച്ച ഡ്രൈവർ അറസ്റ്റിൽ. കോട്ടപ്പുറം വാവറ ഹൗസിൽ നൗഫൽ (29) ആണ് അറസ്റ്റിലായത്. കഴിഞ്ഞദിവസം വൈകിട്ടാണ് സംഭവം.
ജോലി കഴിഞ്ഞ് വീട്ടിലേക്കു മടങ്ങുന്നതിനിടെ തെക്കുംഭാഗം കുട്ടൂർ പാലത്തിനു സമീപത്തുനിന്നാണ് യുവതി നൗഫലിന്റെ ഓട്ടോറിക്ഷയിൽ കയറിയത്. പരവൂരിലേക്ക് പോകുന്നതിനിടെ ആളൊഴിഞ്ഞ സ്ഥലത്ത് ഓട്ടോ നിർത്തി ഉപദ്രവിക്കാൻ ശ്രമിക്കുകയായിരുന്നു.
ഓട്ടോയിൽനിന്ന് ഇറങ്ങി നടന്ന യുവതിയെ പിന്നാലെ എത്തി അസഭ്യം വിളിക്കുകയും ചെയ്തു. തുടർന്ന്, യുവതി പരവൂർ പൊലീസിൽ പരാതി നൽകി. ഇതേത്തുടർന്ന് ഡ്രൈവറെ പരവൂർ പൊലീസ് അറസ്റ്റ്ചെയ്തു. ഇയാളെ റിമാൻഡ് ചെയ്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates