തിരുവനന്തപുരം : യുവതിയുടെ വീടിന് മുന്നില്‍ പെട്രോളൊഴിച്ച് തീകൊളുത്തി ആത്മഹത്യയ്ക്ക് ശ്രമിച്ച യുവാവ് മരിച്ചു. റസല്‍പുരം അനി നിവാസില്‍ രാജേഷ് (32) ആണ് മരിച്ചത്. ചൊവ്വാഴ്ച രാവിലെ ഏഴരയോടെയായിരുന്നു സംഭവം. 

റസല്‍പുരത്തെ ബിവറേജ് ഗോഡൗണിലെ ചുമട്ടുതൊഴിലാളിയാണ് രാജേഷ്. ഇവിടുത്തെ ജീവനക്കാരിയായ യുവതി താമസിക്കുന്ന വീടിന്റെ മതില്‍ ചാടി അകത്തുകടന്നാണ് പെട്രോള്‍ ഒഴിച്ച് തീ കൊളുത്തിയത്. 

സാമ്പത്തിക ഇടപാടാണ് ആത്മഹത്യാശ്രമത്തിന് പിന്നിലെന്ന് ഇയാള്‍ പൊലീസിന് മൊഴി നല്‍കിയിരുന്നു. ഇയാളെ തടയാന്‍ ശ്രമിച്ച യുവതിക്കും സാരമായി പൊള്ളലേറ്റിരുന്നു. കൃഷ്ണപ്രിയയാണ് രാജേഷിന്റെ ഭാര്യ.