ന്യൂഡല്ഹി: കടമെടുപ്പ് പരിധി കേന്ദ്രസര്ക്കാര് വെട്ടിക്കുറച്ചതിനെതിരെ സംസ്ഥാന സര്ക്കാര് സമര്പ്പിച്ച ഹര്ജി സുപ്രീംകോടതി ഇന്ന് പരിഗണിക്കും. ജസ്റ്റിസുമാരായ സൂര്യകാന്ത്, കെ വി വിശ്വനാഥന് എന്നിവരുടെ ബെഞ്ചാണ് ഹര്ജി പരിഗണിക്കുന്നത്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
അടിയന്തിരമായി 26000 കോടി കടമെടുക്കാന് അനുമതി നല്കാന് സുപ്രീംകോടതി ഉത്തരവിടണമെന്നാണ് സംസ്ഥാനസര്ക്കാര് ആവശ്യപ്പെടുന്നത്. ഹര്ജി പിന്വലിച്ചാല് അടിയന്തിരമായി 13000 കോടി അനുവദിക്കാമെന്നാണ് കേന്ദ്രത്തിന്റെ നിലപാട്. ഈ നിര്ദ്ദേശം കേരളം തള്ളിയിരുന്നു.
സുപ്രീം കോടതിയുടെ നിര്ദേശപ്രകാരം വിഷയത്തില് കേന്ദ്രസര്ക്കാരും കേരള സര്ക്കാരും തമ്മില് ചര്ച്ച നടത്തിയിരുന്നെങ്കിലും പ്രശ്ന പരിഹാരമായിരുന്നില്ല. ധനമന്ത്രി കെ എൻ ബാലഗോപാൽ, മുഖ്യമന്ത്രിയുടെ ചീഫ് പ്രിന്സിപ്പല് സെക്രട്ടറി കെ എം എബ്രഹാം, ധനകാര്യ പ്രിന്സിപ്പല് സെക്രട്ടറി രബീന്ദ്ര കുമാര് അഗര്വാള്, അഡ്വ. ജനറല് കെ ഗോപാലകൃഷ്ണക്കുറുപ്പ് എന്നിവരാണ് കേരളത്തെ പ്രതിനിധീകരിച്ച് ചര്ച്ചയില് പങ്കെടുത്തത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates