കോട്ടയം: കാരിത്താസ് ഹോസ്പിറ്റല് ഡയറക്ടര് ഫാ ഡോ. ബിനുകുന്നത്തിന് അമേരിക്കന് മലയാളി സംഘടനകളുടെ ഫെഡറേഷനായ ഫൊക്കാനയുടെ (ഫെഡറേഷന് ഓഫ് കേരള അസ്സോസിയേഷന്സ് ഇന് നോര്ത്ത് അമേരിക്ക) കര്മ്മ ശ്രേഷ്ഠ പുരസ്ക്കാരം. മൂന്ന് ദിവസം നീണ്ടു നിന്ന കേരള കണ്വന്ഷനോടനുബന്ധിച്ചാണ് പുരസ്ക്കാരങ്ങള് പ്രഖ്യാപിച്ചത്. ഫൊക്കാനയുടെ ഭാരത ശ്രേഷ്ഠ പുരസ്കാരം ചലച്ചിത്ര സംവിധായകന് അടൂര് ഗോപാലകൃഷ്ണനും സാഹിത്യ പുരസ്ക്കാരം കെ വി മോഹന്കുമാര് ഐഎഎസിനും സമ്മാനിച്ചു.
കുമരകം ഗോകുലം ഗ്രാന്റ് റിസോട്ടില് നടന്ന ഫൊക്കാന കേരള കണ്വന്ഷനില് സംസ്ഥാന ജലസേചന വകുപ്പ് മന്ത്രി റോഷി അഗസ്റ്റിന് കര്മ്മ ശ്രേഷ്ഠ പുരസ്കാരം ഡോ. ബിനുകുന്നത്തിന് സമ്മാനിച്ചു. ചടങ്ങില് മന്ത്രി വി എന് വാസവന് , ഫൊക്കാന പ്രസിഡന്റ് ഡോ. സജിമോന് ആന്റണി , ജനറല് സെക്രട്ടറി ശ്രീകുമാര് ഉണ്ണിത്താന് ,കാരിത്താസ് ഹോസ്പിറ്റല് ജോയിന്റ് ഡയറക്ടര് ഫാ ജിസ്മോന് മഠത്തില് തുടങ്ങിയവര് ചടങ്ങില് പങ്കെടുത്തു.
ആരോഗ്യ - ജീവന് രക്ഷാ, ജീവകാരുണ്യ പ്രവര്ത്തനങ്ങളില് കാരിത്താസ് ആശുപത്രി നടത്തിവരുന്ന സമാനതകളില്ലാത്ത പ്രവര്ത്തനങ്ങളെ മുന്നിര്ത്തിയാണ് ഡോ. ബിനുകുന്നത്തിന് കര്മ്മ ശ്രേഷ്ഠ പുരസ്കാരം സമ്മാനിച്ചതെന്ന് ഫൊക്കാന അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates