തിരുവനന്തപുരം: സംസ്ഥാനത്ത് അതിശക്തമായ മഴ കണക്കിലെടുത്ത് ഇന്ന് ഏഴ് ജില്ലകളില് ഓറഞ്ച് അലര്ട്ട് പ്രഖ്യാപിച്ചു. കേന്ദ്രകാലാവസ്ഥ വകുപ്പാണ് ഇടുക്കി, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ഓറഞ്ച് അലര്ട്ട് പ്രഖ്യാപിച്ചത്. കേരളത്തില് അടുത്ത 5 ദിവസം ഒറ്റപ്പെട്ട സ്ഥലങ്ങളില് ഇടിമിന്നലോട് കൂടിയ ശക്തമായ/ അതിശക്തമായ മഴക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
വടക്കന് കേരള തീരം മുതല് വടക്കന് മഹാരാഷ്ട്ര തീരം വരെ നിലനില്ക്കുന്ന ന്യുനമര്ദ്ദ പാത്തിയുടെയും അറബിക്കടലില് പടിഞ്ഞാറന് കാറ്റ് ശക്തമാകുന്നതിന്റെയും സ്വാധീന ഫലമായിട്ടാണ് മഴ കനക്കുന്നതെന്ന് കാലാവസ്ഥ വകുപ്പ് വ്യക്തമാക്കി. അറബിക്കടലില് കാലവര്ഷം ശക്തമായതിനാല് മീന് പിടിക്കാന് പോകരുതെന്നും മുന്നറിയിപ്പില് പറയുന്നു.
നാളെ നാലു ജില്ലകളിലും യെല്ലോ അലര്ട്ടുണ്ട്. കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് ശക്തമായ മഴ മുന്നറിയിപ്പ്. വ്യാഴാഴ്ചയും ഈ ജില്ലകളില് യെല്ലോ അലര്ട്ടുണ്ട്. വെള്ളിയാഴ്ച ആലപ്പുഴ മുതല് കാസര്കോട് വരെ 11 ജില്ലകളിലും മഞ്ഞ ജാഗ്രതാ നിര്ദേശം പുറപ്പെടുവിച്ചിട്ടുണ്ട്.
ഈ വാർത്ത കൂടി വായിക്കാം
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates