തിരുവനന്തപുരം: സംസ്ഥാനത്ത് ഇന്നും ഒറ്റപ്പെട്ട ശക്തമായ മഴയ്ക്ക് സാധ്യത. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്, മലപ്പുറം എന്നീ ജില്ലകളില് ഒറ്റപ്പെട്ടയിടങ്ങളില് ഇടിയോടു കൂടിയ മഴയ്ക്കും മണിക്കൂറില് 40 കീ.മി വരെ വേഗതയില് വീശിയടിച്ചേക്കാവുന്ന കാറ്റിനും സാധ്യതയുണ്ട്.
മറ്റു ജില്ലകളിലെ ഒറ്റപ്പെട്ടയിടങ്ങളില് മിതമായ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഇടിമിന്നല് മുന്നറിയിപ്പിന്രെ പശ്ചാത്തലത്തില് ജനങ്ങള് അതീവ ജാഗ്രത പാലിക്കണമെന്നും അധികൃതര് നിര്ദേശിച്ചു.
അതേസമയം, ബംഗാള് ഉള്ക്കടലില് രൂപപ്പെട്ട ന്യൂനമര്ദം ചുഴലിക്കാറ്റായി മാറി. 'സിട്രാങ്'എന്ന് പേരിട്ടിരിക്കുന്ന ചുഴലിക്കാറ്റ് ചൊവ്വാഴ്ച രാവിലെ ബംഗ്ലാദേശിലെ ടിങ്കോണ ദ്വീപിനും സാന്ഡ്വിപ്പിനുമിടയില് തീരം തൊടുമെന്ന് കാലാവസ്ഥാ വകുപ്പ് അറിയിച്ചു.
ബംഗാളിലെ സാഗര് ദ്വീപിന് 1,460 കിലോമീറ്റര് തെക്കുകിഴക്കായി വടക്കന് ആന്ഡമാനിലാണ് ന്യൂനമര്ദം രൂപപ്പെട്ടത്. ചുഴലിക്കാറ്റ് തീരത്തോടടുക്കുന്ന സാഹചര്യത്തില് വരുംദിവസങ്ങളില് ഒഡീഷയിലെ ചില ഭാഗങ്ങളിലും ബംഗാളിലും കനത്ത മഴയ്ക്ക് സാധ്യതയുള്ളതായി കാലാവസ്ഥാ വകുപ്പ് അറിയിച്ചു.
26 വരെ മധ്യ ബംഗാള് ഉള്ക്കടലിലും ഒഡീഷ, ബംഗാള് തീരങ്ങളിലും മീന്പിടിക്കാന് പോകരുതെന്ന് മുന്നറിയിപ്പുണ്ട്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates