തിരുവനന്തപുരം: എസ്ഐയുസി ഒഴികെയുള്ള ക്രിസ്ത്യന് നാടാര് വിഭാഗത്തെ സംസ്ഥാന ഒബിസി പട്ടികയില് ഉള്പ്പെടുത്തും. 1958ലെ കേരള സ്റ്റേറ്റ് ആന്ഡ് സബോര്ഡിനേറ്റ് സര്വിസ് റൂള്സില് 2021 ആഗസ്റ്റ് 15 മുതല് പ്രാബല്യത്തില് വരുന്നവിധം ഭേദഗതി കൊണ്ടുവരും.ബുധനാഴ്ച ചേര്ന്ന മന്ത്രിസഭാ യോഗത്തിലാണ് തീരുമാനം.
എസ്ഐയുസി ഒഴികെയുള്ള ക്രിസ്ത്യന് നാടാര് വിഭാഗത്തെ സംസ്ഥാന ഒബിസി പട്ടികയില്പെടുത്തി 2021 ഫെബ്രുവരി ആറിന് സര്ക്കാര് ഉത്തരവ് പുറപ്പെടുവിച്ചിരുന്നു. സംസ്ഥാനങ്ങള്ക്ക് ഒബിസി പട്ടികയില് സമുദായങ്ങളെ ഉള്പ്പെടുത്തുന്നതിന് അധികാരമില്ലെന്നും അതു റദ്ദാക്കണമെന്നും ആവശ്യപ്പെട്ട് ഹൈക്കോടതിയില് ഹര്ജി നല്കിയതിനെ തുടര്ന്ന് സര്ക്കാര് ഉത്തരവ് സ്റ്റേ ചെയ്തു.
ക്രിസ്ത്യന് നാടാര് വിഭാഗത്തെ ഒബിസിയില് ഉള്പ്പെടുത്തും
ഭരണഘടനയുടെ 127-ാമത് ഭേദഗതി ബില്ല് പാര്ലമെന്റ് പാസ്സാക്കിയതിനെ തുടര്ന്ന് സമൂഹത്തില് പിന്നാക്കം നില്ക്കുന്ന സമുദായങ്ങളെ ഒബിസി ലിസ്റ്റില് ഉള്പ്പെടുത്താനുള്ള അധികാരം സംസ്ഥാനങ്ങള്ക്ക് തിരികെ ലഭിച്ച സാഹചര്യത്തിലാണ് പുതിയ തീരുമാനം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates