തിരുവനന്തപുരം:  മുഖ്യമന്ത്രിയുടെ അഡീഷണല്‍ പ്രൈവറ്റ് സെക്രട്ടറി സിഎം രവീന്ദ്രനെ ആശുപത്രിയില്‍ നിന്ന് ഡിസ്ചാര്‍ജ് ചെയ്തു. എന്‍ഫോഴ്‌സ്‌മെന്റ് ഡയറക്ടേററ്റിന് മുന്നില്‍ ഹാജരാകാന്‍ ഇരിക്കെയാണ് രവീന്ദ്രനെ ആശുപത്രിയില്‍ പ്രവേശിപ്പിച്ചത്. 

ഫിസിയോ തെറാപ്പിയും വിശ്രമവും വേണമെന്ന് ഡോക്ടര്‍  അറിയിച്ചു. ബുധനാഴ്ചയാണ് കോവിഡാനന്തരചികിത്സയ്‌സക്കായി ആശുപത്രിയില്‍ പ്രവേശിപ്പിച്ചത്. തുടര്‍ന്ന് സിടി സ്‌കാനിങിന് വിധേയനാക്കിയിരുന്നു. ശ്വാസകോശത്തിന് ചില വ്യതിയാനങ്ങള്‍ കണ്ടെത്തിയിരുന്നു. പ്രമേഹമുള്‍പ്പടെയുള്ള പ്രശ്‌നങ്ങള്‍ ഉള്ളതിനാലാണ് കിടത്തി ചികിത്സിച്ചത്. ഇഡിയ്ക്ക് മുന്‍പില്‍ ഹാജരാകാതിരിക്കാനുള്ള ശ്രമമാണ് ഇതെന്നും പ്രതിപക്ഷം ആരോപിച്ചിരുന്നു. ഇതിന് പിന്നാലെയാണ് രവീന്ദ്രനെ ആശുപത്രിയില്‍ നിന്ന് ഡിസ്ചാര്‍ജ് ചെയ്തത്.