പാലക്കാട്: വയോധികരായ ദമ്പതികളുടെ മൃതദേഹം വീടിനുള്ളിൽ കത്തിക്കരിഞ്ഞ നിലയിൽ കണ്ടെത്തി. ചാലിശ്ശേരി പെരുമണ്ണൂർ വടക്കേപ്പുരക്കൽ വീട്ടിൽ റിട്ടയേർഡ് ഹെൽത്ത് ഇൻസ്പെക്ടർ വി.പി നാരായണൻ (70), ഭാര്യ ഇന്ദിര (65) എന്നിവരെയാണ് മരിച്ചത്. വീടിനു സമീപത്തെ വിറകുപുരയിലാണ് മൃതദേഹം കണ്ടെത്തിയത്. പരസ്പരം കയറുകൊണ്ട് കെട്ടിയ നിലയിലാണ് മൃതദേഹം. 

നാരായണനും ഇന്ദിരയും വീട്ടിൽ ഒറ്റയ്ക്കാണ് താമസിച്ചിരുന്നത്. ശനിയാഴ്ച പുലർച്ചെ 1.45 ഓടെയാണ് സംഭവമുണ്ടാകുന്നത്. മൃതദേഹം പൊള്ളലേറ്റ് കത്തിക്കരിഞ്ഞ നിലയിലാണെങ്കിലും വീടിന് തീപിടിച്ച ലക്ഷണങ്ങള്‍ ഒന്നും തന്നെയില്ല. രാത്രി പ്രദേശത്ത് കനത്ത മഴയും ഉണ്ടായിരുന്നുവെന്നാണ് സമീപ വാസികള്‍ പറയുന്നത്. സംഭവത്തിൽ അന്വേഷണം ആരംഭിച്ചു.